អតីតសមាជិកសភាតំណាងរាស្ត្រអាមេរិក លោកស្រី Marjorie Taylor Greene (គណបក្សសាធារណរដ្ឋនៅរដ្ឋ Georgia) បានប្រាប់សារព័ត៌មាន TASS ក្នុងបទសម្ភាសន៍មួយថា ការបន្តសង្គ្រាមជាមួយអ៊ីរ៉ង់ គំរាមកំហែងកាន់តែខ្លាំងឡើង ដែលអាចនាំឲ្យមានការប្រើប្រាស់អាវុធនុយក្លេអ៊ែរដោយអ៊ីស្រាអែល និងសហរដ្ឋអាមេរិកក្នុងអំឡុងពេលយុទ្ធនាការនេះ។

អតីតសមាជិកសភាអាមេរិករូបនេះ បាននិយាយថា៖«អ៊ីស្រាអែលមានអាវុធនុយក្លេអ៊ែរ។ អ្វីដែលខ្ញុំខ្លាចគឺពួកគេនឹងរកវិធីប្រើប្រាស់វាប្រឆាំងនឹងអ៊ីរ៉ង់។ ហើយខ្ញុំគិតថា នោះនឹងជារឿងដ៏បំផ្លិចបំផ្លាញបំផុត។ ឬមួយក៏សហរដ្ឋអាមេរិក នឹងចាត់វិធានការលើសពីនេះ? ហើយខ្ញុំសង្ឃឹមថា មិនដូច្នោះទេ។ ខ្ញុំអធិស្ឋានកុំឲ្យរឿងនេះ កើតឡើង»។ យោងតាមលោកស្រី មិនទាន់មានសញ្ញានៃដំណោះស្រាយយូរអង្វែងចំពោះជម្លោះ នៅឡើយទេ។ លោកស្រី Taylor Greene បានកត់សម្គាល់ថា៖«ពុំមានការជឿជាក់ថា កិច្ចព្រមព្រៀងសន្តិភាពមានសុវត្ថិភាពទេ ហើយនៅតែមានអារម្មណ៍ថា វាមានភាពផុយស្រួយណាស់ ប៉ុន្តែយើងនឹងរង់ចាំមើល»។

អ្នកនយោបាយរូបនេះ បានសង្កត់ធ្ងន់ថា ស្ថានភាពនៅមជ្ឈិមបូព៌ា អាចនឹងមិនអាចគ្រប់គ្រងបាន។ «ខ្ញុំគិតថា ជាអកុសល នេះជាមូលហេតុដែលខ្ញុំហៅ ការសម្រេចចិត្តធ្វើសង្គ្រាមជាមួយអ៊ីរ៉ង់ថា ជាកំហុសដ៏ធំបំផុតរបស់លោកប្រធានាធិបតី ដូណាល់ ត្រាំ ហើយយើងនឹងរង់ចាំមើលថាតើវាជាការពិតឬអត់។ ខ្ញុំគិតថា ការធ្វើសកម្មភាពដែលហាក់ដូចជាតូច ឬគ្មានកំហុស ប៉ុន្តែនាំឲ្យមានបញ្ហាដែលមិនបានមើលឃើញទុកជាមុន និងមិនអាចគ្រប់គ្រងបាន៕