ទីភ្នាក់ងារសារព័ត៌មាន Belga បាន​រាយការណ៍នៅថ្ងៃចន្ទ (ទី២៩ ខែមិថុនា ឆ្នាំ២០២៦) នេះ​ថា ជនជាតិជ្វីហ្វបែលហ្ស៊ិកមួយក្រុម បានអំពាវនាវឱ្យបែលហ្ស៊ិក និងបណ្ដាប្រទេស​អឺរ៉ុបដាក់ទណ្ឌកម្ម លើ​អ៊ីស្រាអែល ខណៈដែលប្រជាជនប៉ាឡេស្ទីន នៅតំបន់ហ្កាហ្សា West Bank និងភាគខាងកើតទីក្រុង Jerusalem នៅតែបន្តប្រឈមនឹងការរំលោភបំពាន​សិទ្ធិមនុស្ស។

ក្រុមនេះបានចេញលិខិតចំហមួយ ដោយជំរុញឱ្យអ៊ីស្រាអែលគួរ​បញ្ឈប់​វប្បធម៌​និទណ្ឌភាព​ហើយ ជុំវិញ​សកម្មភាពរបស់ខ្លួន លើ​ប្រជាជនប៉ាឡេស្ទីន។ ហើយ​ក្រុម​បានរិះគន់ច្បាប់កាត់ទោសប្រហារជីវិតថ្មីៗនេះរបស់ទីក្រុង Tel Aviv ដោយព្រមានថា វានឹងត្រូវបានអនុវត្ត ចំពោះតែប្រជាជនប៉ាឡេស្ទីនប៉ុណ្ណោះ។

ជាមួយ​គ្នានេះ ក្រុមនេះក៏បានថ្កោលទោសផង​ដែរ ចំពោះ​ការវាយលុកយោធារបស់អ៊ីស្រាអែល នៅក្នុងប្រទេសលីបង់ ដោយចង្អុលបង្ហាញថា វាបណ្តាលឱ្យមានមនុស្សស្លាប់រាប់ពាន់នាក់ និងការផ្លាស់ទីលំនៅយ៉ាងទូលំទូលាយ។

ក្រុម​នេះ​បានអំពាវនាវឱ្យរដ្ឋាភិបាលបែលហ្ស៊ិក និងសហភាពអឺរ៉ុប ហាមឃាត់ការនាំចូលពីតំបន់​តាំងទីលំនៅរបស់អ៊ីស្រាអែល និងក៏​បាន​ជំរុញឱ្យប្លុកនេះផ្អាកកិច្ចព្រមព្រៀងសមាគមរបស់ខ្លួនជាមួយអ៊ីស្រាអែលផងដែរ។

អ្នកចុះហត្ថលេខា ក្នុង​លិខិត​នោះ រួមមានអ្នកនិពន្ធ លោក​ Vincent Engel អតីតសមាជិកសភាទីក្រុងប៊្រុច​សែល លោក​ស្រី Simone Susskind អតីតនិពន្ធនាយកទស្សនាវដ្ដី​​ Revue Politique លោក​ Henri Goldman និងអតីតប្រធានសម្ព័ន្ធសិទ្ធិមនុស្ស លោកស្រី Olivia Venet៕