មីស៊ីល និងយានដ្រូនរបស់រុស្ស៊ីបានសម្លាប់ជនស៊ីវិលយ៉ាងហោចណាស់ ១១ នាក់ និងរបួស ៤០ នាក់ផ្សេងទៀតនៅអ៊ុយក្រែនកាលពីថ្ងៃចន្ទដើមសប្ដាហ៍នេះ ដែលលោកប្រធានាធិបតី Volodymyr Zelenskyy បានពិពណ៌នាថាជា «ការវាយប្រហារដ៏គួរឱ្យរន្ធត់»។

ចាប់តាំងពីរុស្ស៊ីបានចាប់ផ្តើមការវាយលុកពេញទំហឹងលើប្រទេសជិតខាងរបស់ខ្លួន កាលពីជាងបួនឆ្នាំមុន កងកម្លាំងរបស់ខ្លួនបានទម្លាក់គ្រាប់បែកក្នុងកិច្ចខិតខំប្រឹងប្រែងដើម្បីបំផ្លាញហេដ្ឋារចនាសម្ព័ន្ធរបស់អ៊ុយក្រែន។ យោងតាមអង្គការសហប្រជាជាតិ ជនស៊ីវិលអ៊ុយក្រែនជាង ១៦.០០០ នាក់ត្រូវបានសម្លាប់។

លោក Zelenskyy បាននិយាយនៅលើប្រព័ន្ធផ្សព្វផ្សាយសង្គមថា មីស៊ីលរបស់រុស្ស៊ីមួយគ្រាប់ដែលកំណត់គោលដៅហេដ្ឋារចនាសម្ព័ន្ធបានវាយប្រហារទីក្រុង Dnipro ភាគកណ្តាល ដោយសម្លាប់មនុស្ស ៥ នាក់ និង ២៩ នាក់របួស ។ យានដ្រូនរបស់រុស្ស៊ី ក៏បានវាយប្រហាររថយន្តក្រុងដឹកអ្នកដំណើរខ្នាតតូចមួយគ្រឿងនៅភាគខាងត្បូងទីក្រុង Zaporizhzhia ដោយសម្លាប់មនុស្សបីនាក់ និងរបួសប្រាំមួយនាក់ រួមទាំងកុមារម្នាក់ផងដែរ។

នគរបាលជាតិបាននិយាយ យានដ្រូនរបស់រុស្ស៊ីក៏បានសម្លាប់ស្ត្រីអាយុ ៦៩ ឆ្នាំម្នាក់ និងបុរសអាយុ ៧៧ ឆ្នាំម្នាក់នៅភាគឦសាននៃតំបន់ Sumy ផងដែរ ។លោក Ihor Terekhov អភិបាលក្រុង Kharkiv បាននិយាយថា ការវាយប្រហាររបស់រុស្ស៊ីនៅពេលថ្ងៃបានសម្លាប់មនុស្សម្នាក់ និងរបួសប្រាំនាក់ផ្សេងទៀតនៅក្នុងទីក្រុងភាគឦសានមួយនេះ៕