យោងតាមសារព័ត៌មាន Politico បានឲ្យដឹងថា រដ្ឋមន្ត្រីការបរទេសលោក Rubio និងបេសកជនរបស់លោក Trump លោក Witkoff បានថ្លែងសង្ខេបតាមទូរស័ព្ទសម្រាប់សមាជិកសភា បន្ទាប់ពីសន្និសីទនៅព្រឹទ្ធសភា។ សារព័ត៌មាន Politico បានពិពណ៌នាអំពីការសន្ទនានេះថាជា «សេចក្តីជូនដំណឹងដ៏ទូលំទូលាយលើកដំបូងរបស់សភា» លើកិច្ចព្រមព្រៀងអ៊ីរ៉ង់ របស់លោក Trump។

ដោយដកស្រង់ប្រភពចំនួនពីរ សារព័ត៌មាន Politico បានរាយការណ៍ថា សភាបានដាក់សម្ពាធលើលោក Rubio និងលោក Witkoff ជុំវិញស្តុកនុយក្លេអ៊ែររបស់ទីក្រុងតេអេរ៉ង់ និងការដកទណ្ឌកម្មលើការនាំចេញប្រេងរបស់អ៊ីរ៉ង់។

មន្ត្រី បានប្រាប់សមាជិកសភាថា គោលដៅរបស់ពួកគេគឺត្រូវចរចាកិច្ចព្រមព្រៀងចុងក្រោយដែលនឹងហាមឃាត់អ៊ីរ៉ង់ពីការរក្សាទុកសារធាតុអ៊ុយរ៉ានីញ៉ូមដែលចម្រាញ់រួច។ អនុស្សរណៈនៃការយោគយល់នឹងចាប់ផ្តើមចរចា ខណៈលោក Witkoff បាននិយាយបន្ថែមថា ក្រុមបច្ចេកទេសដែលពាក់ព័ន្ធទៅនឹងការចរចានុយក្លេអ៊ែរបានធ្វើដំណើរទៅកាន់ប្រទេសកាតាសម្រាប់កិច្ចពិភាក្សា។

លោក Rubio និងលោក Witkoff បានព្យាយាមបន្ធូរបន្ថយការព្រួយបារម្ភអំពីការបើកច្រកសមុទ្រ Hormuz ជាថ្មីឡើងវិញជាបណ្តើរៗ ហើយបានធានាដល់សភាថា អ៊ីរ៉ង់នឹងមិនទទួលបានប្រាក់ណាមួយឡើយនៅក្រោមអនុស្សរណៈនៃការយោគយល់នេះ។ យោងតាមសារព័ត៌មាន Politico បានឲ្យដឹងថាសមាជិកសភាគណបក្សប្រជាធិបតេយ្យម្នាក់បានជជែកដេញដោលជាមួយលោក Rubio និងលោក Witkoff អំពីការដាកចេញទណ្ឌកម្មប្រេងលើអ៊ីរ៉ង់។