សាធារណរដ្ឋប្រជាធិបតេយ្យកុងហ្គោ (DRC) និយាយថា ករណីឆ្លងជំងឺអេបូឡាដែលបានបញ្ជាក់នៅក្នុងប្រទេសនេះ បានហក់ឡើងដល់១.៣០៧ នាក់ រួមទាំងអ្នកស្លាប់៣៧៧នាក់។

ក្នុងការធ្វើបច្ចុប្បន្នភាពដែលបានចេញផ្សាយកាលពីល្ងាចថ្ងៃចន្ទដើមសប្ដាហ៍នេះ ប្រទេសនេះបាននិយាយថាករណីឆ្លងត្រូវបានកត់ត្រា ក្នុងខេត្តចំនួន៣ គឺខេត្ត Ituri ខេត្ត North Kivu និងខេត្ត South Kivu។

ការប្រកាសនេះបានកើតឡើងនៅពេលទីភ្នាក់ងារសារព័ត៌មាន AFP បានរាយការណ៍ថា ករណីឆ្លងមួយត្រូវបានរកឃើញនៅក្នុងខេត្តទី៤។ ប្រភពមួយនៅវិទ្យាស្ថានជាតិស្រាវជ្រាវជីវវេជ្ជសាស្ត្រ (INRB) របស់ប្រទេសសាធារណរដ្ឋប្រជាធិបតេយ្យកុងហ្គោ ដែលត្រូវបានដកស្រង់សម្តីដោយ AFP បាននិយាយថា ជំងឺដែលបង្កឡើងដោយវីរុសនេះ បានរីករាលដាលដល់ តំបន់ Haut-Uele ដែលមានព្រំប្រទល់ជាប់នឹងប្រទេសស៊ូដង់ខាងត្បូង និងសាធារណរដ្ឋអាហ្វ្រិកកណ្តាល។

ពេលនេះក្រុមអាជ្ញាធរ កំពុងព្យាយាមតាមដានការឆ្លង និងកំណត់អត្តសញ្ញាណការប្រាស្រ័យទាក់ទង។

ការឆ្លងរាលដាលទៅដល់តំបន់ Haut-Uele មានន័យថាភាគខាងជើងរបស់កុងហ្គោទាំងមូលដែលជាជម្រកសម្រាប់មនុស្ស១៥លាននាក់ ពេលនេះត្រូវបានឆ្លងជំងឺនេះ ៕