ស្ទឹងត្រែង៖ ខែមេសាគឺជាខែដែលក្ដៅបំផុតនៅក្នុងប្រទេសកម្ពុជា នៅខេត្តស្ទឹងត្រែង។ សីតុណ្ហភាពជាទូទៅលើសពី៤០អង្សា។ ជាសហគ្រាសធំជាងគេក្នុងការផលិតអគ្គិសនី ស្ថានីយវារីអគ្គិសនីសេសានក្រោម២ កំពុងបញ្ចេញអនុភាពរបស់ខ្លួន ដើម្បីផ្តល់នូវថាមពលស្អាតដែលមានស្ថិរភាព និងសុវត្ថិភាពជួយទៅដល់ការលើកស្ទួយសេដ្ឋកិច្ចរបស់ប្រទេសកម្ពុជា។

អ្នកបំរើការនៅស្ថានីយវារីអគ្គិសនីសេសាន បានឲ្យដឹងថា៖ ក្នុងកំឡុងពេលពិនិត្យថែទាំម៉ាស៊ីន មានការងារជាច្រើន និងមានកិច្ចការក្រៅរោងចក្រជាច្រើនទៀតកំពុងបន្តការថែទាំ និង​ពិនិត្យ​ដំណើរការ​ជួសជុល​ម៉ាស៊ីន​ដោយយកចិត្តទុកដាក់ ដើម្បីត្រូវធានាថាស្ថានីយ​មានការ​ដំណើរ​ការដោយសុវត្ថិភាព ​និងស្ថិរភាព ផ្គត់ផ្គង់​អគ្គិសនីស្អាតដល់តំបន់ពាណិជ្ជកម្មរាជធានីភ្នំពេញ ខេត្តស្ទឹងត្រែង និងខេត្តរតនគិរី ដោយគ្មានការរអាក់រអួល ​បើទោះបីជាសីតុណ្ហភាពខ្ពស់ ពន្លឺព្រះអាទិត្យក្ដៅខ្លាំងក៏ដោយ។

សូមបញ្ជាក់ថា ទំនប់ស្ថានីយវារីអគ្គិសនីសេសានក្រោម២ដែល ក្រុមហ៊ុន HuaNeng Group និងThe Royal Group សហការគ្នាសាងសង់នេះមានប្រវែង ៦ ៥០០ម៉ែត្រ ​និងដែលចាត់ទុកថាជា “ទំនប់វែងជាងគេនៅទ្វីបអាស៊ី” ។

ក្នុងនោះម៉ាស៊ីនភ្លើងអាចផ្ទុកបាន៤០ម៉ឺនគីឡូវ៉ាត់ ដែលទំហំផ្ទុកប្រហែលស្មើនឹង១ភាគ៥នៃម៉ាស៊ីន​ភ្លើងនៅក្នុងប្រទេសកម្ពុជា។ ក្នុងមួយឆ្នាំៗអាចផ្គត់ផ្គង់ភ្លើងបានដល់ ១៩.៧ពាន់លានគីឡូវ៉ាត់ក្នុងមួយម៉ោង។

តាមអ្នកបច្ចេកទេសនៅទីនេះ បញ្ជាក់ថា៖ នាបច្ចុប្បន្ននេះ នៅមិនទាន់ចូលទៅដល់រដូវទឹកឡើង​នោះទេ​ ទន្លេនៅមានសភាពរីង ដូច្នេះជាស្ថានីយវារីអគ្គិសនីដែលអាចផ្ទុកអគ្គិសនី​បាន​ច្រើនជាងគេ​បំផុត​នៅប្រទេសកម្ពុជាមួយ។ ​ចំណុច​ពិសេសគឺវាធានា និងគាំទ្រយ៉ាងរឹងមាំ​បំផុត​នៅ​កំឡុងពេល​ទឹកស្រក។

តាមការសង្កេតឃើញថា៖ គិតត្រឹម ថ្ងៃទី៣១ ខែមិនា ឆ្នាំ២០២២ ការផ្គត់ផ្គង់អគ្គិសនី​របស់ស្ថានីយ​វារីអគ្គិសនីសេសាន​នារដូវកាលទី១ នៃឆ្នាំ២០២២ ​កើនឡើងដល់ទៅ ២៤.៤៧% ប្រៀបជាមួយរដូវ​កាលទី១ ​នាឆ្នាំ២០២១ ​ និងបានធានានូវការ​ផ្គត់ផ្គង់​អគ្គិសនី​គ្រប់គ្រាន់​ដល់ប្រទេសកម្ពុជា ជួយ​បង្កើននូវថាមពលដល់ការជួយ​លើស្ទួយសេដ្ឋកិច្ច​ប្រទេសកម្ពុជា​នាសម័យកូវីត៕