មនុស្សរាប់ពាន់នាក់បានចេញធ្វើបាតុកម្មកាលពីថ្ងៃអង្គារ ទី៣០ ខែមិថុនា នៅក្នុងទីក្រុងនានានៅទូទាំងប្រទេសអាហ្វ្រិកខាងត្បូងដើម្បីទាមទារឱ្យជនបរទេសគ្មានឯកសារចាកចេញ បន្ទាប់ពីយុទ្ធនាការរយៈពេលជាច្រើនសប្តាហ៍ ដែលបានធ្វើឱ្យមនុស្សរាប់ពាន់នាក់ភៀសខ្លួនចេញ និងបានបណ្តាលឲ្យមនុស្សបួននាក់ស្លាប់។

នគរបាលមួយក្រុមធំបានចេញធ្វើប្រតិបត្តិការទប់ស្កាត់ការតវ៉ានៅទូទាំងប្រទេស ដែលបានបញ្ចប់យុទ្ធនាការតវ៉ាដឹកនាំដោយក្រុមអ្នកការពារដឹកនាំដោយពលរដ្ឋដែលបានដាក់កំណត់កាលបរិច្ឆេទក្រៅផ្លូវការនៅថ្ងៃទី៣០ខែមិថុនា សម្រាប់ជនបរទេសដែលគ្មានឯកសារឲ្យចាកចេញ។

មានរបាយការណ៍ដាច់ដោយឡែកអំពីចោរកម្ម ការគប់ដុំថ្ម និងការប្រឈមមុខដាក់គ្នា រួមទាំងនៅជិតទីក្រុង Johannesburg ជាកន្លែងដែលកងកម្លាំងសន្តិសុខបានអមជនបរទេសមួយមួយចំនួនឲ្យចេញឆ្ងាយពីហ្វូងមនុស្សគ្មានសណ្តាប់ធ្នាប់ដែលកំពុងកាន់ដំបង។

ហ្វូងបាតុករបានធ្វើដំណើរឆ្លងកាត់កណ្តាលទីក្រុងនៃរដ្ឋធានីហិរញ្ញវត្ថុរបស់អាហ្វ្រិកខាងត្បូង ជាកន្លែងដែលហាងភាគច្រើនត្រូវបានបិទទ្វារ បុគ្គលិកស្នាក់នៅក្នុងលំនៅឋាន ហើយមជ្ឈមណ្ឌលដឹកជញ្ជូនមានភាពស្ងាត់ជ្រងំ។

នៅក្នុងទីក្រុង Durban ភាគអាគ្នេយ៍ ក្រុមបាតុករបានដើរក្នុងសម្លៀកបំពាក់អ្នកចម្បាំងបុរាណ កាន់លំពែង រំពាត់ និងខែល និងមួយចំនួនទៀតរុំដោយស្បែកខ្លារខិន។

បាតុករបានប្រាប់សារព័ត៌មាន AFP ថា «ជនបរទេសខុសច្បាប់អាចបង់ប្រាក់បាន ព្រោះពួកគេលក់គ្រឿងញៀនឱ្យប្រជាជនរបស់យើង ហើយយើងសង្ឃឹមថាតាមរយៈបាតុកម្មទាំងនេះ លោកប្រធានាធិបតីនឹងស្តាប់ឮសំឡេងស្រែករបស់យើង និងអនុវត្តច្បាប់កាន់តែតឹងរ៉ឹង»។