មជ្ឈមណ្ឌលផ្តោតលើការផ្តល់ហិរញ្ញវត្ថុក្រុមភេរវករ (TTFC) ជាគំនិតផ្តួចផ្តើមរួមរបស់សហរដ្ឋអាមេរិក និងឈូងសមុទ្រ បានដាក់ទណ្ឌកម្មលើផ្នែកមួយចំនួននៃហេដ្ឋារចនាសម្ព័ន្ធហិរញ្ញវត្ថុរបស់ក្រុមហេសបូឡា រួមទាំងបុគ្គលចំនួន ១៦ នាក់ និងអង្គភាពចំនួន ៥។

ក្រសួងរតនាគារសហរដ្ឋអាមេរិក បាននិយាយថា គោលដៅទាំងនោះរួមមានស្ថាប័ន Al-Qard al-Hassan និង Bayt al-Mal ព្រមទាំងមេដឹកនាំជាន់ខ្ពស់របស់ស្ថាប័នទាំងនេះ។

Al-Qard al-Hassan គឺជាស្ថាប័នហិរញ្ញវត្ថុមិនស្វែងរកប្រាក់ចំណេញ ដែលផ្តល់ប្រាក់កម្ចីដោយគ្មានការប្រាក់ដល់ប្រជាជន និងជាអង្គការសប្បុរសធម៌មួយក្នុងចំណោមអង្គការសប្បុរសធម៌ជាច្រើដំណើរការដោយក្រុមហេសបូឡា រួមមានសាលារៀន មន្ទីរពេទ្យ និងហាងលក់គ្រឿងទេសក្នុងតម្លៃទាប។

មជ្ឈមណ្ឌលផ្តោតលើការផ្តល់ហិរញ្ញវត្ថុក្រុមភេរវករ (TTFC) ត្រូវបានបង្កើតឡើងក្នុងខែឧសភា ឆ្នាំ ២០១៧ ក្នុងអំឡុងពេលការកាន់តំណែងជាប្រធានាធិបតីដំបូងរបស់លោក Trump និងរួមមានប្រទេសបារ៉ែន កូវ៉ែត អូម៉ង់ អារ៉ាប៊ីសាអ៊ូឌីត អារ៉ាប់រួម និងប្រទេសកាតា។