ដោយអំពាវនាវឱ្យមានវិបុលភាព និងស្ថិរភាពរយៈពេលវែងរបស់ទីក្រុង​ហុងកុង និងម៉ាកាវ ប្រធានាធិបតី​ចិន លោក Xi Jinping បានលើក​ឡើង​ថា គោលបំណងនេះ គឺជាផ្នែកសំខាន់មួយនៃការរស់ឡើងវិញដ៏​អស្ចារ្យរបស់ប្រជាជាតិចិន។

លោក Xi បានជំរុញឱ្យមានការអនុវត្តដ៏ទូលំទូលាយ ត្រឹមត្រូវ និងមិនរង្គោះរង្គើ ចំពោះ​គោលការណ៍ «ប្រទេស​មួយ ប្រព័ន្ធពីរ» «ប្រជាជន​ហុងកុងគ្រប់គ្រងហុងកុង» «ប្រជាជនម៉ាកាវគ្រប់គ្រងម៉ាកាវ» និងកម្រិតខ្ពស់នៃស្វ័យភាព ខណៈពេលដែលជំរុញ «អ្នកស្នេហាជាតិគ្រប់គ្រងហុងកុង» និង »អ្នកស្នេហាជាតិគ្រប់គ្រងម៉ាកាវ» ដើម្បីលើក​កម្ពស់​អភិបាលកិច្ច ស្ថិត​ក្រោមច្បាប់ និងគាំទ្រដល់ការធ្វើសមាហរណកម្មកាន់តែស៊ីជម្រៅទៅក្នុងការអភិវឌ្ឍជាតិ។

គួរ​បញ្ជាក់​ថា នៅព្រឹកថ្ងៃ​ពុធ (ទី១ ខែកក្កដា ឆ្នាំ២០២៦) នេះ នៅទីក្រុងប៉េកាំង ពិធីរំលឹកខួបលើកទី១០៥ នៃការបង្កើតបក្សកុម្មុយនីស្តចិន បានប្រារព្ធឡើងនៅមហា​សាលប្រជាជនចិន។

លោក Xi ដែលជាអគ្គលេខាធិការនៃគណៈកម្មាធិការមជ្ឈិម​បក្ស​ ប្រធានាធិបតីនៃសាធារណរដ្ឋប្រជាមានិតចិន និងជាប្រធានគណៈកម្មការយោធាមជ្ឈិម​ បានប្រគល់មេដាយថ្ងៃទី១ ខែកក្កដាដល់អ្នកដែលទទួល​បាន​កិត្តិយស និងបានថ្លែងសុន្ទរកថាសំខាន់ៗ៕