ទីភ្នាក់ងារជំនួយអារ៉ាប៊ីសាអ៊ូឌីត Ksrelief បានអនុវត្តសកម្មភាពមនុស្សធម៌នៅតំបន់ហ្កាហ្សា អាហ្វហ្គានីស្ថាន និងប្រទេសយេម៉ែន ដោយផ្តល់ជម្រកសង្គ្រោះបន្ទាន់ អាហារ និងសេវាវេជ្ជសាស្រ្តដល់បុគ្គល និងគ្រួសារដែលរងផលប៉ះពាល់។

នៅតំបន់ Al-Mawasi នៃទីក្រុង Khan Younis នៅភាគខាងត្បូងតំបន់ហ្កាហ្សា ប្រជាជនប៉ាឡេស្ទីនរាប់សិបគ្រួសារ បានទទួលជម្រកសង្គ្រោះបន្ទាន់ បន្ទាប់ពីតង់របស់ពួកគេត្រូវបានបំផ្លាញ ដោយទុកឲ្យពួកគេប្រឈមនឹងហានិភ័យពីធាតុអាកាសអស់រយៈពេលជាច្រើនម៉ោង។

ទីភ្នាក់ងារជំនួយអារ៉ាប៊ីសាអ៊ូឌីតនេះ ក៏បានចែកចាយអាហារក្តៅចំនួន ២៤.៥០០មុខ នៅដើមសប្តាហ៍នេះ នៅតំបន់ហ្កាហ្សាភាគកណ្តាល និងខាងត្បូង។

នៅក្នុងខេត្ត Ghorនៃប្រទេសអាហ្វហ្គានីស្ថាន កេសចំនួន ៩៥០ ដែលមានអាហារចាំបាច់ ត្រូវបាន       ចែកចាយដល់អ្នកដែលវិលត្រឡប់មកពីប្រទេសជិតខាង ជនភៀសខ្លួន អ្នកដែលខ្វះខាត និងកុមារកំព្រា៕