មន្រ្តីជាន់ខ្ពស់អ៊ីរ៉ង់ជាច្រើនរូប រួមទាំងលោកប្រធានាធិបតី Masoud Pezeshkian លោកប្រធានសភា Mohammad Baqer Qalibaf និងលោករដ្ឋមន្រ្តីការបរទេស Abbas Araqchi នៅថ្ងៃសុក្រនេះ បានចូលរួមពិធីលាគ្នាចុងក្រោយ សម្រាប់អតីតមេដឹកនាំកំពូលអ៊ីរ៉ង់លោក Ayatollah Ali Khamenei ។

សាកសពរបស់លោក Khamenei ត្រូវបានតម្កល់នៅក្នុងសាលដ៏ធំមួយ ក្នុងទីក្រុងតេអេរ៉ង់ ស្របពេលដែលបុព្វជិត ក្រុមមន្រ្តី ឥស្សរជនបរទេស និងអ្នកកាន់ទុក្ខផ្សេងទៀត ធ្វើការគោរពដល់វិញ្ញាណក្ខន្ធ របស់លោក ក្រោយការគ្រប់គ្រងរយៈពេល ៣៧ឆ្នាំរបស់លោក ។

អ៊ីរ៉ង់នឹងរៀបចំពិធីបុណ្យសពទ្រង់ទ្រាយធំរយៈពេល ១សប្តាហ៍ សម្រាប់លោក Khamenei ដែលត្រូវបានសម្លាប់នៅក្នុងការវាយប្រហាររួមគ្នារបស់សហដ្ឋអាមេរិក និងអ៊ីស្រាអែល កាលពីខែកុម្ភៈកន្លងទៅ ពេលដែលចាប់ផ្តើមសង្រ្គាមរយៈពេល ៤ខែរបស់ពួកគេ ។

សាកសពរបស់លោក Khamenei ត្រូវបានគេរំពឹងថា នឹងត្រូវរំកិលទៅកាន់មជ្ឈមណ្ឌល Qom, Najaf និង Kerbala គឺជាមជ្ឈមណ្ឌលស៊ីអ៊ីតរបស់អ៊ីរ៉ង់ និងអ៊ីរ៉ាក់ មុនពេលបញ្ចុះសពនៅទីក្រុង Mashhad នាថ្ងៃព្រហស្បតិ៍សប្តាហ៍ក្រោយ ដែលជាទីកំណើតធម្មយាត្រាដ៏ពិសិ្ឋបំផុតរបស់ប្រទេសមួយនេះ ៕