សហរដ្ឋអាមេរិកបានប្រារព្ធទិវាឯករាជ្យជាតិលើកទី ២៥០ របស់ខ្លួនជាមួយនឹងពិធីបាញ់កាំជ្រួចភ្ញី ក្បួនយន្តហោះហោះហើរលើអាកាស ខណៈអាកាសធាតុខ្លាំងនៅទូទាំងប្រទេស ដែលព្រឹត្តិការណ៍ភាគច្រើនបានស្ងប់ស្ងាត់ក្រោមរលកកម្ដៅដែលបានគ្របដណ្ដប់អស់រយៈពេលជាច្រើនថ្ងៃ។

ប្រធានាធិបតីអាមេរិក លោក Donald Trump បានថ្លែងទៅហ្វូងមនុស្សកំពុងអបអរសាទរនៅក្នុងការជួបជុំគ្នាដែលបានពន្យារពេលនៅឧស្យានជាតិ National Mall ក្នុងទីក្រុងវ៉ាស៊ីនតោន មុនពេលពិធីបង្ហាញកាំជ្រួចភ្ញីដ៏ធំបំផុតមិនធ្លាប់មាននៅសហរដ្ឋអាមេរិក ត្រូវបានបំភ្លឺផ្ទៃមេឃនាពេលរាត្រី។

លោកថាថ្ងៃឈប់សម្រាកសហព័ន្ធថ្ងៃទី ៤ កក្កដា រំលឹកដល់អាណានិគមអាមេរិកចំនួន ១៣ ដែលបានចុះហត្ថលេខាលើសេចក្តីប្រកាសឯករាជ្យក្នុងឆ្នាំ ១៧៧៦ ដើម្បីបញ្ចប់ការគ្រប់គ្រងរបស់អង់គ្លេស។

លោកបានថ្លែងថា សូមឱ្យបុព្វហេតុនៃឯករាជ្យភាពមានជីវិតយូរអង្វែង។សូមឱ្យឋិតឋេរជារៀងរហូត យើងនឹងតែងតែនៅលើចំណុចកំពូល យើងនឹងមិនដែលអនុញ្ញាតឱ្យប្រទេសរបស់យើងដួលរលំឡើយ យើងនឹងតែងតែល្អបំផុត៕