ក្រចេះ៖ កាលទី១ខែឧសភា ម្សិលមិញ ឯកឧត្តមវេជ្ជបណ្ឌិត អ៊ុយ សំអាត នាយក នាយកដ្ឋានគ្រប់គ្រងគ្រោះមហន្តរាយ កាកបាទក្រហមកម្ពុជា បានចុះសួរសុខទុក្ខ និងនាំយកអំណោយមនុស្សធម៌ ចែកជូនប្រជាពលរដ្ឋងាយរងគ្រោះបំផុតក្នុងស្រុកឆ្លូង ខេត្តក្រចេះ។

ក្នុងឱកាសនោះ ឯកឧត្តមវេជ្ជបណ្ឌិត អ៊ុយ សំអាត បាននាំនៅសារសួរសុខទុក្ខពីសំណាក់ហ្លួងម៉ែ នរោត្តម មុនិនាថសីហនុ ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែផ្តាំផ្ញើសួរសុខទុក្ខប្រជាពលរដ្ឋទាំងអស់​ដោយ​មនោសញ្ចេតនា ​ការនឹករលឹកអាណិតស្រឡាញ់ការគិតគូរពីសុខទុក្ខ និងជីវភាពរស់នៅប្រចាំថ្ងៃ ជា​ពិសេសបញ្ហាសុខភាពរបស់បងប្អូនប្រជាពលរដ្ឋគ្រប់ពេលវេលា។

ទន្ទឹមនឹងនោះសូមលោកយាយលោកតា មានការប្រុងប្រយ័ត្ន ចំពោះអាកាសធាតុ ព្រោះរដូវនេះ​ភ្លៀងចាប់ផ្តើមធ្លាក់មកបណ្តើរៗហើយ ហេតុដូច្នេះ សូមលោកយាយ លោកតា មានការ​ប្រុងប្រយ័ត្នខ្ពស់ ​ចំពោះគ្រោះធម្មជាតិនេះ​ ដូចជាខ្យល់ព្យុះ ខ្យល់កន្ទ្រាក់ រឺរន្ទះបាញ់ជាដើម។

ប្រជាពលរដ្ឋទាំងអស់ បានថ្លែងអំណរគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេចតេជោ ហ៊ុន សែន ដែលតែងតែគិតគូរ ពីសុខទុក្ខរបស់ប្រជាពលរដ្ឋ ទាំង​សុខភាព និងជីវភាពរស់នៅ ​សូមសម្តេចទាំងទ្វេរមានសុខភាពល្អ ​ដើម្បីបន្តដឹកនាំប្រទេសជាតិ ឱ្យមានសុខសន្តិភាព និងការអភិវឌ្ឍ ជាបន្តបន្ទាប់ទៀត៕