ជប៉ុន៖ មនុស្សរាប់សិបនាក់បានរងរបួស ក្រោយគ្រោះធម្មជាតិរញ្ជួយដីកម្រិត ៧រ៉ិចទ័របានវាយប្រហារដែនសមុទ្រជាប់កោះហុនស៊ូ ភាគខាងកើតប្រទេសជប៉ុនកាលពីវេលាម៉ោង ៦ និង០៩នាទីល្ងាចថ្ងៃសៅរ៍នេះ (ម៉ោងក្នុងស្រុក) ខណៈរលករញ្ជួយរបស់វាក៏បានរាលដាលទៅដល់ទីក្រុងតូក្យូផងដែរ។
ក្រុមអាជ្ញាធរខេត្តមីយ៉ាហ្គិរបស់ជប៉ុនបានរាយការណ៍ថា គ្រោះរញ្ជួយដីខាងលើនេះបានបង្ក ឲ្យមានរលកស៊ូណាមិដែលមានកម្ពស់ ១ម៉ែត្របោកមកលើឆ្នេរសមុទ្រភាគខាងកើតនោះ ប៉ុន្តែមិនមានសេចក្តីរាយការណ៍អំពីលទ្ធភាព ដែលអាចបង្កការខូចខាត ឬមនុស្សរងគ្រោះថ្នាក់នោះឡើយ។ ដោយឡែកអគ្គកុងស៊ុលអាមេរិកប្រចាំទីក្រុងសាពប៉ូរ៉ូ ក៏បានអំពាវនាវឲ្យប្រជាជនឡើងមកកាន់ទីខ្ពស់ៗ ដើម្បីគេចចេញពីរលកយក្សស៊ូណាមិ ដែលអាចកើតមានផងដែរ។ អាជ្ញាធរជប៉ុនបានបញ្ជាក់ថា គ្រោះរញ្ជួយដីនេះដែរ បានកើតមានពីក្នុងបាតសមុទ្រជម្រៅ ៦០គីឡូម៉ែត្រ ស្ថិតនៅតំបន់ដែនសមុទ្រនៃខេត្តមីយ៉ាហ្គិ៕
អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
