អ៊ុយក្រែន៖ ប្រជាជននៅទូទាំងប្រទេសអ៊ុយក្រែនបានទៅកាន់ទីបញ្ចុះសព ដើម្បីរំលឹកដល់អ្នកដែលបានស្លាប់។ អ៊ុយក្រែនបានប្រារព្ធទិវារំលឹករយៈពេលមួយសប្តាហ៍បន្ទាប់ពីពិធីបុណ្យ Easter ខណៈមនុស្សរាប់ពាន់នាក់បានធ្លាក់ខ្លួនជាជនរងគ្រោះនៃការវាយលុករបស់រុស្ស៊ី។
នៅទីក្រុង Irpin ជាទីក្រុងមួយនៅជាយទីក្រុង Kyiv មានផ្នូរសាកសពថ្មីៗរាប់សិបកន្លែង។ ជនស៊ីវិល និងយោធាត្រូវបានសម្លាប់នៅពេលដែលទាហានរុស្ស៊ីបានរុលទៅមុខចូលក្នុងទីក្រុងនេះ ដែលសាកសពរបស់ពួកគេត្រូវបានបញ្ចុះនៅទីបញ្ចុះសពក្នុងតំបន់។ លោកស្រី Kateryna Trokhimchuk ជាប្រជាជនក្នុងតំបន់បានបួងសួងថា សូមឱ្យព្រះជួយក្នុងការសម្អាតប្រទេសរបស់យើងពីសត្រូវ និងសូមឱ្យសន្តិភាពចូលមកដល់ ហើយប្រជាជនមិនស្លាប់ទៀតនោះទេ។ អាជ្ញាធរអ៊ុយក្រែនបានចោទប្រកាន់កងកម្លាំងរុស្ស៊ី ដែលបានដកថយពីទីក្រុងពីការប្រព្រឹត្តឧក្រិដ្ឋកម្មសង្គ្រាម និងបន្សល់ទុកនូវទិដ្ឋភាពបំផ្លាញនៅក្នុងទីក្រុង Irpin និងទីក្រុងផ្សេងទៀតជុំវិញទីក្រុង Kyiv៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
