ប្រធានាធិបតីអ៊ុយក្រែន លោក Volodymyr Zelenskyy នៅ​ថ្ងៃចន្ទ បានដាក់សេចក្តីព្រាងច្បាប់ទៅសភា ដើម្បីបន្ថែម​រយៈពេល​នៃ​ច្បាប់អាជ្ញាសឹក និងការកេណ្ឌទ័ព នៅប្រទេស​អ៊ុយក្រែន។

សេចក្តីព្រាងច្បាប់ទាំងនេះត្រូវបានបង្ហោះនៅលើគេហទំព័ររបស់ Verkhovna Rada ដែលជាសភារបស់​អ៊ុយក្រែន ហើយស្វែងរកការបន្លាយ​រយៈពេល​នៃ​ច្បាប់អាជ្ញាសឹក និងកំណែន​ទ័ពរយៈពេល ៩០​ថ្ងៃទៀត។

គួរបញ្ជាក់ថា លោក Zelenskyy បានប្រកាសជាលើកដំបូង អំពីច្បាប់អាជ្ញាសឹក និងការកេណ្ឌ​ទ័ព​ទូទាំង​ប្រទេស​ កាល​ពី​ថ្ងៃទី២៤ ខែកុម្ភៈ ឆ្នាំ២០២២ នៅពេលដែលរុស្ស៊ីបានចាប់ផ្តើមសង្គ្រាមរបស់ខ្លួន លើអ៊ុយក្រែន​។

ចាប់តាំងពីពេលនោះមក វិធានការទាំងនេះត្រូវបានបន្ថែម​រយៈ​ពេល​ច្រើនដង ដោយមានការបន្លាយ​ពេល​ថ្មីៗបំផុតដែលត្រូវបានចុះហត្ថលេខាដោយប្រធានាធិបតី កាល​ពី​ខែមេសា៕