សហរដ្ឋអាមេរិក៖ មន្ត្រីជាន់ខ្ពស់សហរដ្ឋអាមេរិកនិយាយថា រុស្ស៊ីកំពុងមានគម្រោងដាក់បញ្ចូលភ្លាមៗនូវតំបន់ភាគខាងកើតចំនួន២ របស់អ៊ុយក្រែន ដែលត្រូវបានខ្ទេចខ្ទាំដោយសារការវាយលុករបស់រុស្ស៊ីទៅក្នុងឧបសម្ព័ន្ធរបស់ខ្លួន បន្ទាប់ពីបរាជ័យក្នុងការផ្ដួលរំលំរដ្ឋាភិបាលក្រុង Kyiv។
លោក Michael Carpenter ឯកអគ្គរដ្ឋទូតអាមេរិកប្រចាំអង្គការសម្រាប់សន្តិសុខ និងកិច្ចសហប្រតិបត្តិការនៅតំបន់អឺរ៉ុបបាននិយាយថា យោងតាមរបាយការណ៍ថ្មីៗចុងក្រោយ ពួកលោកជឿថា រុស្ស៊ីនឹងព្យាយាមដាក់បញ្ចូលសាធារណរដ្ឋប្រជាមានិត្យ Donetsk និងសាធារណរដ្ឋប្រជាមានិត្យ Lugansk ទៅក្នុងឧបសម្ព័ន្ធរបស់រុស្ស៊ី។ លោកបានប្រាប់ក្រុមអ្នកសារព័ត៌មានក្នុងទីក្រុង Washington ថា របាយការណ៍នានានិយាយថា ប្រទេសរុស្ស៊ីគ្រោងរៀបចំការធ្វើប្រជាមតិ បន្ទាប់ពីមានការចូលរួមនៅថ្ងៃណាមួយនៅរង្វង់ពាក់កណ្ដាលខែឧសភា។
លោក Carpenter បាននិយាយថា សហរដ្ឋអាមេរិកក៏ជឿជាក់ផងដែរថា ប្រទេសរុស្ស៊ីកំពុងពិចារណាផែនការស្រដៀងគ្នាមួយទៀតនៅក្នុងតំបន់ទី៣ គឺទីក្រុង Kherson ជាទីដែលក្រុង Moscow វាយដណ្ដើមគ្រប់គ្រងបាននាពេលថ្មីៗ និងតម្រូវឲ្យចាយប្រាក់រូប្លិ៍របស់រុស្ស៊ី៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
