ស្វាយរៀង៖ មន្ត្រីនៅតាមមូលដ្ឋាន និងផ្នែកពាក់ពន្ធ័ត្រូវចុះចលនាដឹកនាំពលរដ្ឋ និងកុមារ អោយពួកគេទៅចាក់វ៉ាក់សាំងអោយបានគ្រប់ៗគ្នា ដើម្បីបង្កើតភាពស៊ាំជំងឺនៅក្នុងសហគមន៍ ។

ឯកឧត្តម ម៉ែន វិបុល អភិបាលខេត្តស្វាយរៀង ក្នុងកិច្ចប្រជុំផ្សព្វផ្សាយផែនការការពារសន្តិសុខ សុវត្ថិភាព និងសណ្ដាប់ធ្នាប់ សម្រាប់ដំណើរការរៀបចំបោះឆ្នោតជ្រើសរើសក្រុមប្រឹក្សា ឃុំ សង្កាត់អាណត្តិទី៥ ឆ្នាំ២០២២ នៅសាលប្រជុំសាលាខេត្តថ្ងៃទី២ ខែឧសភា ឆ្នាំ២០២២នេះ បាន​ជំរុញ​ដល់មន្ត្រីពាក់ព័ន្ធ ពិសេសមន្ត្រីមូលដ្ឋានត្រូវបន្តចុះចលនាដឹកនាំពលរដ្ឋ និងកុមារឲ្យពួកគេទៅ​ចាក់វ៉ាក់​សាំងឲ្យបានគ្រប់ៗគ្នា ​ដើម្បីបង្កើតភាពសសាំនៅក្នុងសហគមន៍ ខណៈដែលរាជរដ្ឋាភិបាល​កម្ពុជា សម្ដេចតេជោ ហ៊ុន សែន នាយករដ្ឋមន្ត្រី បាន​បញ្ចុះ​ក្រុមគ្រូពេទ្យ​ចុះចាក់វ៉ាក់សាំង​នៅ​តាមមូលដ្ឋាន ។

ឯកឧត្តម បានបញ្ជាក់បន្ថែមថា ការងារចាក់សាំងគឺជាគោលដៅរបស់រាជរដ្ឋាភិបាល ឆ្ពោះទៅធ្វើការ​ទប់ស្កាត់​ការរីករាលដាលនូវជំងឺកូវីដ១៩ នៅក្នុងសហគមន៍​ ពិសេសបង្កើតភាពសាំជំងឺ ដើម្បី​ឆ្លើយតប​ទៅនឹងការខិតខំរបស់ប្រមុខរាជរដ្ឋាភិបាល​មន្ត្រីនៅមូលដ្ឋានត្រូវ ​បន្តចលនាពលរដ្ឋឲ្យ​ទៅ​ចាក់វ៉ាក់សាំង ​ខណៈដែលក្រុមគ្រូពេទ្យបានពង្រីកវិសាលភាពចាក់វ៉ាក់សាំង​ដល់ខ្នងផ្ទះ និង​រោងចក្រសហគ្រាសទូទាំងខេត្ត ៕ អត្ថបទ៖ ភា សារិទ្ធ