រញ្ជួយដីកម្រិត ៦,៣រ៉ិចទ័រ បានកើត​មាននៅជិតទីក្រុង Te Anau លើ​កោះខាងត្បូងរបស់ប្រទេសនូវែលសេឡង់ ដែលជំរុញឱ្យអាជ្ញាធរចេញការព្រមានអំពីរលកយក្សស៊ូណាមិ។

យោងតាមទីភ្នាក់ងារគ្រប់គ្រងគ្រោះអាសន្នជាតិនូវែលសេឡង់ (NEMA) បានឱ្យដឹងថា ចំណុចកណ្តាលនៃរញ្ជួយដីនេះ គឺស្ថិតនៅចម្ងាយប្រមាណ ៤០គីឡូម៉ែត្រ នៅ​ភាគខាងជើងនៃ​ទីក្រុង​ Te Anau ដែលជាច្រកទ្វារឆ្ពោះទៅកាន់តំបន់ទេសចរណ៍ដ៏ពេញនិយម Fiordland។

ទីភ្នាក់ងារស្ទាប​ស្ទង់ភូគព្ភសាស្ត្រសហរដ្ឋអាមេរិក (USGS) និងមជ្ឈមណ្ឌលស្រាវជ្រាវអាល្លឺម៉ង់ សម្រាប់វិទ្យាសាស្ត្រផែន​ដី​ (GFZ) សុទ្ធ​តែ​បានកំណត់កម្រិតនៃការរញ្ជួយដីនេះ នៅកម្រិត ៥,៩រ៉ិចទ័រ ដោយមាន​ជម្រៅជាង ៥០គីឡូម៉ែត្រ៕