អឺរ៉ុប៖ ប្រធានក្រុមប្រឹក្សាអឺរ៉ុបលោក Charles Michel បាននិយាយកាលពីថ្ងៃព្រហស្បតិ៍ថា ទ្រព្យសម្បត្តិរបស់រុស្ស៊ីដែលត្រូវបានបង្កកនៅក្នុងសហភាពអឺរ៉ុប ជាផ្នែកមួយនៃការដាក់ទណ្ឌកម្មប្រឆាំងនឹងទីក្រុង Moscow ព្រោះជម្លោះជាមួយទីក្រុង Kiev គួរតែត្រូវបានរឹបអូស និងបែងចែកសម្រាប់ការស្ថាបនាឡើងវិញក្នុងប្រទេសអ៊ុយក្រែន។
លោក Michel បានទទូចនៅក្នុងបទសម្ភាសន៍ជាមួយទីភ្នាក់ងារព័ត៌មាន Interfax-Ukraine ថា លោកជឿជាក់យ៉ាងមុតមាំថា ចំណាត់ការនេះមានសារៈសំខាន់ខ្លាំងណាស់ មិនត្រឹមតែបង្កកទ្រព្យសម្បត្តិប៉ុណ្ណោះទេ ថែមទាំងធ្វើឲ្យទ្រព្យសម្បត្តិទាំងនោះអាចរឹបអូសបាន ដើម្បីអាចយកទៅប្រើប្រាស់ក្នុងការស្ថាបនាប្រទេសអ៊ុយក្រែនឡើងវិញ។ លោកបានបង្ហើបថា លោកបានប្រាប់អង្គភាពសេវាច្បាប់របស់ក្រុមប្រឹក្សារួចហើយ ពិចារណាលើលទ្ធភាពដែលអាចធ្វើទៅបាន ដើម្បីស្វែងរកដំណោះស្រាយផ្លូវច្បាប់ស្របតាមគោលការណ៍នីតិរដ្ឋ ដែលជួយសម្រួល និងធ្វើឲ្យមានលទ្ធភាពរឹបអូសទ្រព្យសម្បត្តិរបស់បុគ្គលទាំងឡាយ ដែលត្រូវបានដាក់ទណ្ឌកម្មដោយសហភាពអឺរ៉ុប ឬដោយប្រទេសផ្សេងទៀតក្នុងពិភពលោក៕ អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
