​បាល់ទាត់៖ ​ក្រុមបាល់ទាត់​អាមេរិក Seattle Sounders បាន​ក្លាយជា​ជើងឯក​ការប្រកួត​ពានរង្វាន់ Concacaf Champions League ដែលជា​ក្របខណ្ឌ​ក្លិប​កំពូល​ប្រចាំ​តំបន់​អាមេរិក​កណ្តាល​។ ​​បន្ទាប់ពី​លេង​ជើង​ទី១ នៅ​ទឹកដី​ម៉ិ​ក​ស៊ិ​ករ​បស់​ក្រុមបាល់ទាត់ Pumas UNAM ស្មើគ្នា ២-២ នោះត្រលប់​មកកាន់​ទឹកដី​អាមេរិក​វិញ Seattle Sounders បាន​យកឈ្នះ​ដោយ​លទ្ធផល ៣-០ សរុប​ទាំងពីរ​ជើង ៥-២​។

​​LA Galaxy គឺជា​ក្រុម​ចុងក្រោយ​បំផុត​នៅ​ក្របខណ្ឌ Major League Soccer របស់​អាមេរិក​ដែល​ឈ្នះ​ពានរង្វាន់​នេះ​កាលពី​ឆ្នាំ២០២០ តែ​នៅពេល​នោះពាន​នេះ​មាន​ឈ្មោះថា Champions Cup ក្រោម​រូបមន្ត​ខុសពី​នេះ​។ ​​ជ័យជំនះ​របស់ Seattle Sounders ក៏បាន​ធ្វើឱ្យ​ពួកគេ​ធានាបាន​កៅអី​នៅ​ព្រឹត្តិការណ៍ FIFA Club World Cup ផងដែរ និង​ក្លាយជា​ក្លិប​អាមេរិក​ទីមួយ​មានមុខ​នៅ​ព្រឹត្តិការណ៍​នេះ​។ ​​FIFA Club World Cup ឆ្នាំនេះ​នឹងធ្វើ​ឡើង​នៅ​ទឹកដី​ចិន តែ​មិនទាន់​បានកំណត់​កាលបរិច្ឆេទ​នៅឡើយ ចំពេល​ដែល FIFA World Cup នឹងធ្វើ​ឡើង​នៅ​ទឹកដី​កាតា​ចុង​ឆ្នាំនេះ​។ ​​សូមបញ្ជាក់ថា ការប្រកួត​បាល់ទាត់​ក្របខណ្ឌ Concacaf Champions League មាន​ក្រុម​ចូលរួម​មកពី​បណ្តា​លី​គ​ក្នុងប្រទេស​នៅ​តំបន់​អាមេរិក​ខាងជើង កណ្តាល និង​កា​រ៉ា​អ៊ី​ប​៕

​អត្ថបទ​៖​នាង សុភា​វុ​ធ