​សហរដ្ឋអាមេរិក៖ ប្រធានាធិបតី​សហរដ្ឋអាមេរិក​លោក Joe Biden នឹង​ជួប​ជាមួយ​មេដឹកនាំ​ក្រុម​ប្រទេស​ G7 និង​ប្រធានាធិបតី​អ៊ុយ​ក្រែ​ន​លោក Volodymyr Zelenskyy នៅមុន​ថ្ងៃ​ដែល​រុស្ស៊ី​ប្រារព្ធ​ពិធី​អបអរ​ជ័យជម្នះ​របស់​សហភាពសូវៀត​ លើ​ណា​ស៊ី​អាល្លឺម៉ង់​ក្នុង​សង្គ្រាម​លោក​លើក​ទី​II​។

​កិច្ចប្រជុំ​តាម​បណ្ដាញ​អ៊ីនធឺណិត​នៅ​ថ្ងៃអាទិត្យ​នឹង​ត្រូវ​បាន​រៀប​ចំ​ឡើង ​ដោយ​ប្រមុខរដ្ឋ​របស់​ប្រទេសអាល្លឺម៉ង់​ប្រធានាធិបតី​លោក Frank-Walter Steinmeier។​ អ្នកនាំពាក្យ​សេត​វិមាន​លោកស្រី Jen Psaki បាន​និយាយ​នៅ​លើ​យន្តហោះ​កងកម្លាំង​ទ័ពអាកាស​ថា ក្រុម​មេដឹកនាំ​នឹង​ពិភាក្សា​អំពី​ការវិវឌ្ឍន៍​ថ្មី​បង្អស់​នៅ​ក្នុង​សង្គ្រាម​របស់​រុស្ស៊ី​លើ​អ៊ុយ​ក្រែ​ន ផល​ប៉ះ​ពាល់​ជាស​កល​នៃ​សង្គ្រាម​របស់​លោក ​Putin ការ​បង្ហាញ​ការ​គាំទ្រ​សម្រាប់​ប្រទេស​អ៊ុយ​ក្រែ​ន និង​អនាគត​ប្រទេស​អ៊ុយ​ក្រែ​ន ព្រមទាំង​ការ​បង្ហាញ​ពី​ការ​បន្ត​សាមគ្គីភាព​របស់​ក្រុម​ប្រទេស ​G7​។ ការ​ឆ្លើយ​តប​ជា​រួម​របស់​យើង រួម​ទាំង​ការ​បង្កើត​ទណ្ឌកម្ម​ដែល​មិន​ធ្លាប់​មាន​ពី​មុន​មក ដើម្បី​ធ្វើ​ឲ្យ​មាន​ការ​ខាតបង់​ធ្ងន់ធ្ងរ​ដោយសារតែ​សង្គ្រាម​របស់​លោក ​Putin​។

​ចំណាត់​ការ​នេះ​ធ្វើឡើង​ ខណៈ​ដែល​ជន​ស៊ីវិល​រាប់​រយ​នាក់ និង​អ្នក​ប្រយុទ្ធ​អ៊ុយ​ក្រែ​ន​នៅតែ​ជាប់​នៅក្នុង​រោងចក្រ​ដែក​ថែប ហើយ​កងកម្លាំង​រុស្ស៊ី​បាន​រុល​ចូល​ទៅ​ខាង​ក្នុង​។​ ការ​រឹបអូស​យក​ទីក្រុង Mariupol ត្រូវ​បាន​គេ​រំពឹង​ថា​ នឹង​មាន​តួនាទី​សំខាន់​ក្នុង​ការ​ប្រារព្ធ​ពិធី​របស់​ទីក្រុង​មូ​ស្គូ​នៅ​ថ្ងៃ​ទី៩ ខែ​ឧសភា ទិវា​ជ័យជម្នះ​ជា​ប្រវត្តិសាស្ត្រ​នៃ​ការ​បញ្ចប់​សង្គ្រាម​លោក​លើកទី​II​៕

អត្ថបទ៖ ប៊ុនថន