នៅថ្ងៃទី០៥ខែសីហា ឆ្នាំ២០២៦នេះ គឺជាថ្ងៃខួបចម្រើនជន្មាយុគម្រប់៧៤ឆ្នាំ ឈានចូល៧៥ឆ្នាំ របស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្ស នៃព្រះរាជាណាចក្រកម្ពុជា។ ជាមួយគ្នាអតីតយុទ្ធជនបានបង្ហាញការចងចាំជានិច្ចចំពោះគុណូបការៈដ៏ធំធេងរបស់សម្តេចតេជោក្នុងបុព្វហេតុជាតិមាតុភូមិ និងជូនពរសម្តេចតេជោផងដែរ។

អតីតយុទ្ធជនរស់នៅរាជធានីភ្នំពេញ នៅព្រឹកថ្ងៃទី០៥ខែសីហានេះ បានប្រាប់BTVថា ខ្ញុំបានឃើញគំរូវីភាពរបស់សម្តេចតេជោ ហ៊ុន សែន បានខិតខំប្រឹងប្រែងគ្រប់កាលៈទេសៈទាំងអស់ ដើម្បីប្រទេសជាតិ និងប្រជាជន ជាពិសេសសម្តេចជោ បានកៀរគរធនធានគ្រប់បែបយ៉ាង ដើម្បីរំដោះប្រទេសជាតិពីរបបប្រល័យពូជសាសន៍ ប៉ុល ពត ដោយទទួលបានជ័យជម្នៈនៅថ្ងៃទី០៧ខែមករា ឆ្នាំ១៩៧៩ បន្ទាប់មកកសាងប្រទេសជាតិមានការអភិវឌ្ឍជាបន្តបន្ទាប់។ ក្រៅពីនេះ អតីតយុទ្ធជនទាំងនោះបានជូនពរចំពោះសម្តេចតេជោ ទទួលបាននូវសុខភាពល្អពេញបូរិបូណ៍ កម្លាំងពលំមាំមួន ជន្មានយុយឺនយូរ បញ្ញាញាណវាងវៃ ដើម្បីបន្តដឹកនាំស្ថាប័នព្រឹទ្ធសភាឱ្យសម្រេចបាននូវជោគជ័យថ្មីៗបន្ថែមទៀត។ 

គួរបញ្ជាក់ដែរថា សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សនៃព្រះរាជាណាចក្រកម្ពុជា បានខិតខំប្រឹងប្រែងយកអស់កម្លាំងកាយ ចិត្ត បញ្ញា និងស្មារតីក្នុងការពុះពារឧបសគ្គ ដើម្បីបម្រើឧត្តមប្រយោជន៍ជាតិ និងប្រជាជនឱ្យទទួលបាននូវសុខសន្តិភាព ស្ថិរភាព ការបង្រួបបង្រួមជាតិ និងការអភិវឌ្ឍប្រទេសជាតិឱ្យកាន់តែរីកចម្រើនជឿលឿនឥតឈប់ឈរលើគ្រប់វិស័យ និងទទួលបាននូវកិត្តិសព្ទល្បីល្បាញទាំងក្នុងតំបន់ និងពិភពលោក។សម្តេចជោ កើតនៅថ្ងៃទី០៥ខែសីហា ឆ្នាំ១៩៥២ រហូតដល់ថ្ងៃទី០៥ ខែសីហា ឆ្នាំ២០២៦នេះ គឺថ្ងៃខួបចម្រើនជន្មាយុគម្រប់៧៤ឆ្នាំ ឈានចូល៧៥ឆ្នាំ៕ អត្ថបទ៖ទូច សោភ័ណ