ការដឹកជញ្ជូនឆ្លងកាត់ច្រកសមុទ្រ Hormuz ទំនងជាត្រូវបានរឹតត្បិតស្ទើរតែដល់ចំណុចជាប់គាំងស្ងៀមកាលពីថ្ងៃសុក្រ ទី ១៤ ខែសីហា បន្ទាប់ពីនាវាពីរគ្រឿងបន្ថែមទៀតត្រូវបានវាយប្រហារនៅទីនោះ ហើយសហរដ្ឋអាមេរិកបាននិយាយថាខ្លួនអាចនៅតែរក្សាការបិទផ្លូវទឹកអ៊ីរ៉ង់ដោយគ្មានពេលកំណត់។

ប្រភពពីមន្ត្រីជាន់ខ្ពស់អ៊ីរ៉ង់ម្នាក់បាននិយាយថា ពុំមានវឌ្ឍនភាពក្នុងការចរចាដើម្បីបង្កើតកិច្ចព្រមព្រៀងខែមិថុនា ដើម្បីបញ្ចប់សង្គ្រាមនោះទេ។ ខណៈបទឈប់បាញ់ដែលបានបន្តជាថ្មីបន្ទាប់ពីបានបរាជ័យ អ៊ីរ៉ង់ បានបន្តការវាយប្រហារលើនាវាដែលខ្លួនចោទថាបានព្យាយាមឆ្លងកាត់ច្រកសមុទ្រដោយគ្មានការអនុញ្ញាត។

ក្រុមហ៊ុនប្រេងជាតិ Abu Dhabi របស់ប្រទេសអារ៉ាប់រួមបាននិយាយថា នាវាពីរគ្រឿងរបស់ខ្លួនត្រូវបានវាយប្រហារនៅពេលកំពុងឆ្លងកាត់ច្រកសមុទ្រកាលពីល្ងាចថ្ងៃព្រហស្បតិ៍ ហើយរដ្ឋាភិបាលប្រទេសអារ៉ាប់រួមបានដាក់កំហុសលើប្រទេសអ៊ីរ៉ង់។

យោងតាមការវិភាគពីក្រុមហ៊ុនតាមដាននាវា ខេផ្លឺ(Kpler) បានឲ្យដឹងថា នាវាពីរគ្រឿងបានឆ្លងកាត់ផ្លូវទឹកតូចចង្អៀតកាលពីថ្ងៃសុក្រ ដោយនាវាដឹកគ្រាប់ធញ្ញជាតិមួយគ្រឿងចូលទៅក្នុងដែនទឹកអ៊ីរ៉ង់ និងនាវាដឹកទំនិញស្ងួតទទេមួយគ្រឿងទៀតកំពុងធ្វើដំណើរទៅទិសដៅផ្សេង។

កាលពីថ្ងៃសុក្រ ពុំមានការដឹកជញ្ជូនប្រេងឆៅណាមួយអាចមើលឃើញនោះទេ ខណៈកាលពីថ្ងៃព្រហស្បតិ៍ មាននាវាចំនួន៩គ្រឿងបានឆ្លងកាត់ផ្លូវទឹកតូចចង្អៀតនៅច្រកចូលឈូងសមុទ្រ ដែលកើនឡើងពី៥គ្រឿងកាលពីថ្ងៃពុធ៕