ក្រុមមន្រ្តីនិយាយថា ក្រុមភ្នាក់ងារពន្លត់អគ្គិភ័យប្រហែល ១០០នាក់ បានធ្វើការពេញមួយយប់ ដើម្បីទប់ស្កាត់ភ្លើងឆេះព្រៃទ្រង់ទ្រាយធំនៅលើភ្នំ Goj ស្ថិតនៅជិតទីក្រុងភាគខាងជើង Como ប្រទេសអ៊ីតាលី ។

ក្រុមភ្នាក់ងារពន្លត់អគ្គិភ័យ បានព្យាយាមពន្លត់អណ្តាតភ្លើង ចាប់តាំងពីរសៀលថ្ងៃព្រហស្បតិ៍រហូតមក ជាមួយនឹងការដាក់ពង្រាយកងកម្លាំងដើម្បីទប់ស្កាត់ភ្លើងឆេះព្រៃ និងការពារតំបន់រស់នៅរបស់អ្នកស្រុក ក៏ដូចជាហេដ្ឋារចនាសម្ព័ន្ធ ។

អឺរ៉ុបបានជួបប្រទេសរលកកម្តៅបំបែកកំណត់ត្រារយៈពេលជាច្រើនសប្តាហ៍ ហើយនិងភ្លើងឆេះព្រៃ ក្នុងរដូវក្តៅនេះ ជាហេតុដាក់សម្ពាធទ្រង់ទ្រាយធំលើការផ្គត់ផ្គង់ថាមពល ការដឹកជញ្ជូន និងប្រព័ន្ធសុខភាពសាធារណៈ ក្នុងនោះប្រទេសបារាំង និងអេស្ប៉ាញ បានរងផលប៉ះពាល់ខ្លាំងជាងគេ ក្នុងរយៈពេលប៉ុន្មានសប្តាហ៍ចុងក្រោយនេះ ។

ខណៈពេលនោះដែរ សហភាពអឺរ៉ុបនឹងជំរុញប្រទេសសមាជិករបស់ខ្លួន ឲ្យចំណាយថវិកាច្រើនជាងមុន លើវិធានការជាច្រើន ដើម្បីកាត់បន្ថយហានិភ័យភ្លើងឆេះព្រៃ ស្របពេលដែលក្រុមអ្នកជំនាញនិយាយថា ការខាតបង់ផ្នែកសេដ្ឋកិច្ចដោយសារភ្លើងឆេះព្រៃរដូវក្តៅនេះ បានកើនឡើងដល់ ១៧,៣ពាន់លានដុល្លាររួចទៅហើយ ៕