សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្លែងអំពាវនាវដល់ស្ថាប័នតុលាការពន្លឿនចាត់ការលើសុំណុំរឿងជេរប្រមាថរបស់លោកស្រី សំ សុខា ដែលប៉ះពាល់ធ្ងន់ធ្ងរដល់សីលធម៌សង្គម ឲ្យបានឆាប់ និងស្របតាមច្បាប់។
តាមរយៈបណ្ដាញសង្គមនារសៀលថ្ងៃទី១៥ ខែសីហា ឆ្នាំ២០២៦នេះ សម្ដេចតេជោ ហ៊ុន សែន បានសរសេរយ៉ាងដូច្នេះថា «ថ្ងៃនេះមានការបែកធ្លាយការដែលខ្ញុំ ជំរុញឱ្យលោកស្រី សំ សុខា ធ្វើការសូមទោសជាសាធារណៈចំពោះការជេររបស់គាត់ដែលប៉ះពាល់ធ្ងន់ធ្ងរដល់សីលធម៌សង្គម។ មានមនុស្សមួយចំនួនមានយោបល់ថា រឿងនេះត្រូវបានបញ្ចប់ហើយ។
សម្ដេចតេជោបានបញ្ជាក់ថា រឿងក្តីលោកស្រី សំ សុខា មិនត្រូវបានបញ្ចប់តាមផ្លូវតុលាការទេ។
អ្នកដែលបានប្តឹងលោកស្រីនៅតុលាការ នៅតែអាចបន្ត ហើយតុលាការនៅតែបន្តកាត់ក្តីរវាងដើមបណ្តឹងជាមួយចុងចោទ សំ សុខា តាមនីតិវិធី និងតាមច្បាប់បន្តទៀត ព្រោះការសូមទោសរបស់លោកស្រី សំ សុខា មិនអាចរំលត់បណ្តឹងនៅតុលាការបានទេ។
សម្ដេចតេជោ អំពាវនាវចំពោះស្ថាប័នតុលាការពន្លឿនចាត់ការលើសំណុំរឿងនេះបានឆាប់ និងស្របតាមច្បាប់៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
