វេណេស៊ុយអេឡា និយាយថា ពួកគេបានដោះលែងមនុស្សចំនួន ១៣១នាក់ ដែលពួកគេចាត់ទុកថាជាអ្នកទោសនយោបា នៅក្នុងសញ្ញាវឌ្ឍនភាពមួយសម្រាប់ការផ្សះផ្សាជាតិ បន្ទាប់ពីសហរដ្ឋអាមេរិកបានចាប់ខ្លួនលោកអតីតប្រធានាធិបតី Nicolas Maduro ។

រដ្ឋាភិបាលស្តីទីវេណេស៊ុយអេឡា និយាយកាលពីថ្ងៃសុក្រថា អ្នកដែលត្រូវបានគេដោះលែង ត្រូវបានគេផ្តល់ជូនវិធានការជំនួសការជាប់ពន្ធនាគារក្រោមកម្មវិធីសន្តិភាព និងសហត្ថិភាពប្រជាធិបតេយ្យ ។

ក្រុមចលនាប្រឆាំង Vente Venezuela និយាយថា ពួកគេបានបញ្ជាក់ផ្ទៀងផ្ទាត់ដោយឯករាជ្យអ្នកទោស ៤៣នាក់ ហើយក្រុមសិទ្ធិមនុស្ស Foro Penal ដែលគាំទ្រការដោះលែងអ្នកទោសនយោបាយ និយាយថា មនុស្សយ៉ាងហោច ៤០នាក់ ត្រូវបានដោះលែងឲ្យមានសេរីភាព ។

ខណៈពេលនោះដែរ រដ្ឋមន្រ្តីការបរទេសសហរដ្ឋអាមេរិកលោក Marco Rubio និយាយថា ការដោះលែងអ្នកទោសនយោបាយជាង ១៣០នាក់ នៅវេណេស៊ុយអេឡា គឺជាជំហានដ៏សំខាន់មួយ សម្រាប់ដំណើរការផ្សះផ្សាជាតិឡើងវិញ ។

លក Rubio និយាយនៅលើបណ្តាញព័ត៌មានសង្គម Xថា ចាប់តាំងពីសហរដ្ឋអាមេរិកទម្លាក់អំណាច និងឃាត់ខ្លួនលោក Maduro កាលពីថ្ងៃទី ៣ ខែមករា ឆ្នាំនេះ អ្នកទោសនយោបាយវេណេស៊ុយអេឡាចំនួន ១.០៤៦នាក់ ត្រូវបានដោះលែង ៕