ប្រធានាធិបតីអ៊ីរ៉ង់លោក Masoud Pezeshkian បាននិយាយនៅក្នុងសេចក្តីអត្ថាធិប្បាយថា លោកសូមធ្វើការដាក់ស្តីបន្ទោសអតិផរណាខ្ពស់របស់ទីក្រុងតេអេរ៉ង់ គឺដោយសារការបិទផ្លូវរបស់សហរដ្ឋអាមេរិកលើកំពង់ផែអ៊ីរ៉ង់ និងទណ្ឌកម្មលើការនាំចេញប្រេងអ៊ីរ៉ង់ ។

អំឡុងជំនួបជាមួយគណបក្សនយោបាយ និងក្រុមសកម្មជន លោក Pezeshkian និយាយថា ពួកយើងធ្លាប់លក់ប្រេង ប៉ុន្តែឥឡូវនេះ ពួកយើងមិនអាចលក់វាបានទៀតទេ ។

គួរឲ្យដឹងថា ច្រកសមុទ្រ Hormuz របស់អ៊ីរ៉ង់ គឺជាផ្លូវទឹកដ៏សំខាន់មួយដែលដោះស្រាយ ១ភាគ ៥នៃប្រេងសកល មុនពេលសង្រ្គាមផ្ទុះឡើង រវាងអ៊ីរ៉ង់ និងសហរដ្ឋអាមេរិក-អ៊ីស្រាអែល កាលពីខែកុម្ភៈ ។

វឌ្ឍនភាពឆ្ពោះទៅរកកិច្ចប្រជុំស្វែងរកសន្តិភាព និងការធ្វើនាវាចរណ៍ឡើងវិញរបស់នាវាដឹកប្រេង ឆ្លងកាត់ច្រកសមុទ្រយុទ្ធសាស្រ្តមួយនេះ នៅតែជាប់គាំង ដោយគ្មានសញ្ញាណាមួយថា ភាគីសង្រ្គាម ឆ្ពោះទៅរកការបញ្ចប់ជម្លោះនោះឡើយ ។

ខណៈពេលនោះដែរ អ្នកនាំពាក្យក្រសួងការបរទេសអ៊ីរ៉ង់លោក Esmaeil Baghaei និយាយនៅក្នុងបទសម្ភាសន៍កាលពីថ្ងៃសៅរ៍ថា អស្ថិរភាពនៅច្រកសមុទ្រ Hormuz គឺជាលទ្ធផលដោយផ្ទាល់នៃសកម្មភាពខុសច្បាប់របស់សហរដ្ឋអាមេរិក និងអ៊ីស្រាអែល ។

លោក Baghaei និយាយថា ពួកយើងទាំងអស់គ្នាដឹងថា ច្រកសមុទ្រ Hormuz ពុំដែលមានបញ្ហានោះទេ រហូតដល់ថ្ងៃទី ២៨ ខែកុម្ភៈ ឆ្នាំ ២០២៦ ជាពេលដែលសហរដ្ឋអាមេរិក និងអ៊ីស្រាអែល រួមដៃគ្នាវាយប្រហារអ៊ីរ៉ង់៕