ទូរទស្សន៍ Al-Araby បានរាយការណ៍កាលពីថ្ងៃសៅរ៍ដោយដកស្រង់ប្រភពព័ត៌មានថា គណៈប្រតិភូក្រុមហាម៉ាសត្រូវគេរំពឹងថានឹងទៅដល់ទីក្រុងគែរនៅថ្ងៃអាទិត្យនេះដើម្បីពិភាក្សាអំពីបញ្ហាសំខាន់ៗនៅក្នុងផែនការ១៥ ចំណុចសម្រាប់តំបន់ហ្កាហ្សាដែលស្នើឡើងដោយក្រុមប្រឹក្សាសន្តិភាព ផ្ដួចផ្ដើមឡើងដោយលោកប្រធានាធិបតីអាមេរិក Donald Trump។

យោងតាមទីភ្នាក់ងារសារព័ត៌មាន Al-Araby ខាងលើ គណៈប្រតិភូនេះត្រូវគេរំពឹងថានឹងដឹកនាំដោយមេដឹកនាំទើបជ្រើសតាំងថ្មី លោក Khalil al-Hayya ហើយគ្រោងនឹងជួបជាមួយប្រធានសេវាចារកម្មអេហ្ស៊ីបលោក Hassan Rashad ។

ក្រុមហាម៉ាសបានជ្រើសរើស លោក Hayya ជាប្រធានការិយាល័យនយោបាយរបស់ខ្លួននៅថ្ងៃទី២០ខែកក្កដា២០២៦នេះ។

ទីភ្នាក់ងារសារព័ត៌មានរដ្ឋរបស់ប្រទេសទួរគី Anadolu Agency ក៏បានរាយការណ៍ពីដំណើរទស្សនកិច្ចនេះផងដែរកាលពីថ្ងៃសៅរ៍ ដោយបន្ថែមថាគណៈប្រតិភូនឹងពិភាក្សាអំពីបញ្ហានានាទាក់ទងនឹងបញ្ហាប៉ាឡេស្ទីន។

យោងតាមប្រភពព័ត៌មាន គណៈប្រតិភូនេះត្រូវគេរំពឹងថានឹងរួមបញ្ចូលឥស្សរជនជាន់ខ្ពស់របស់ក្រុមហាម៉ាសជាច្រើនរូបទៀត រួមទាំង លោក Mohammed Darwish លោក Khaled Meshaal លោក Zaher Jabarin និងលោក Basem Naim៕