ក្រុមប្រជានេសាទអេក្វាឌ័រ និយាយថា ពួកគេជាប់ផុងក្នុងគ្រោះថ្នាក់ ២ ។ នៅលើដី ក្រុមមេខ្លោងជួញដូរគ្រឿងញៀន ជំរិតទារប្រាក់ពីពួកគេ ដើម្បីជួយដឹកជញ្ជូនកូកាអ៊ីន ហើយនៅក្នុងសមុទ្រ ពួកគេជាប់ផុងក្នុងយុទ្ធនាការប្រឆាំងគ្រឿងញៀនដឹកនាំដោយសហរដ្ឋអាមេរិកលើទូកជួញដូរគ្រឿងញៀនខុសច្បាប់សង្ស័យ ។

លោកកាពីទែន Hernan Flores ស្ថិតក្នុងចំណោមនាវិក ១៦នាក់ នៅលើទូក Negra Francisca Duarte II ពេលដែលយានដ្រូនមួយគ្រឿង វាយប្រហារទូករបស់ពួកគេ ។

នាវិកមួយចំនួនរបស់លោក បានលោតចូលទូកតូចៗ ដើម្បីគេចចេញពីគ្រោះថ្នាក់ ហើយពួកគេបានធ្វើដំណើរទៅកាន់ទូកនេសាទត្រីធូណានៅក្បែរនោះ ។

លោក Flores និយាយថា ផ្ទុយទៅវិញ ពួកយើងបានតតាំងជាមួយក្រុមប្រដាប់អាវុធនិយាយភាសាអង់គ្លេស ក្នុងឯកសណ្ឋាជាយោធា ។

លោកនិយាយថា ពួកគេបានបញ្ជាឲ្យពួកយើងលើកដៃ ហើយក្រោយមកពួកគេបានយកអ្វីម្យ៉ាងមកគ្របពីលើក្បាលរបស់ពួកយើង ។

ក្រុមនាវិកនិយាយថា ពេលនោះពួកគេត្រូវបាននាំយកទៅកាន់នាវាកងទ័ពជើងទឹកសាល់វ៉ាឌ័រ ដែលនាំពួកគេទៅកាន់ប្រទេសអែល សាល់វ៉ាឌ័រ ហើយនិងបានដឹកពួកគេតាមជើងហោះហើរពាណិជ្ជកម្មវិលត្រឡប់មកកាន់ប្រទេសកំណើតវិញ៕