ក្រោយអញ្ជើញចូលជួបជាមួយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ជួប ពិភាក្សាការងារជាមួយនាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា និងជួបជាមួយមន្រ្តីកម្ពុជាដទៃទៀតនោះ លោក អេលប្រ៊ីដ ខូលប៊ី អនុរដ្ឋមន្ត្រីទទួលបន្ទុកគោលនយោបាយ នៃក្រសួងសង្គ្រាមសហរដ្ឋអាម៉េរិក ក៏បានឆ្លៀតអញ្ជើញទៅទស្សនាប្រាសាទអង្គរវត្តផងដែរ ដោយដំណើរទស្សនានេះគឺជាបញ្ជាក់អំពីការគោរពគ្នាទៅវិញទៅមកចំពោះអធិបតេយ្យភាព និងបេតិកភណ្ឌវប្បធម៌របស់កម្ពុជា និងអាមេរិក។

យោងតាមផេកហ្វេសបុកផ្លុវការរបស់ស្ថានទូតអាមេរិកប្រចាំនៅកម្ពុជា កាលពីថ្ងៃទី១៦ ខែសីហា ឆ្នាំ២០២៦ម្សិលមិញនេះបានឲ្យដឹងថា ក្នុងអំឡុងពេលទស្សនកិច្ចរបស់លោកមកកាន់ប្រទេសកម្ពុជា អនុរដ្ឋមន្ត្រីក្រសួងសង្គ្រាម លោក Elbridge Colby បានទៅទស្សនាឧទ្យានបុរាណវិទ្យាអង្គរ ដែលជាការបានគូសបញ្ជាក់អំពីការគោរពគ្នាទៅវិញទៅមកចំពោះអធិបតេយ្យភាព និងបេតិកភណ្ឌវប្បធម៌ ដែលជាមូលដ្ឋានគ្រឹះនៃទំនាក់ទំនងរវាងសហរដ្ឋអាមេរិក និងកម្ពុជា។

យោងតាមផេកហ្វេសបុកផ្លូវការរបស់ស្ថានទូតអាមេរិកបញ្ជាក់ផងដែរថា«សហរដ្ឋអាមេរិក នៅតែជាដៃគូដ៏មានមោទនភាពក្នុងការគាំទ្របេតិកភណ្ឌវប្បធម៌របស់កម្ពុជា។ ការគាំទ្រនេះរួមមានការវិនិយោគអស់រយៈពេលជាច្រើនទសវត្សរ៍ តាមរយៈមូលនិធិឯកអគ្គរដ្ឋទូតសម្រាប់ការអភិរក្សវប្បធម៌ ដើម្បីជួយស្តារ និងអភិរក្សទីតាំងប្រវត្តិសាស្ត្រនានានៅទូទាំងប្រទេសជាដើម»៕អត្ថបទបាន ចក់