​អឺរ៉ុប៖ អ្នកនាំពាក្យ​គណៈកម្មាធិការ​សហភាព​អឺរ៉ុប​លោក Eric Mamer បាន​និយាយ​កាលពី​ថ្ងៃ​អង្គា​រថា ស្ថាប័ន​ប្រតិបត្តិ​របស់​សហភាព​អឺរ៉ុប​មាន​ឆន្ទៈ​ជួយ​ប្រទេស​ហុង​គ្រី និង​ប្រទេស​ផ្សេងទៀត​ដែល​ពឹង​ផ្អែក​ជាពិសេស​លើ​ប្រេង​របស់​ប្រទេស​រុស្ស៊ី​។

លោក Mamer និយាយ​ថា យើង​បាន​ឲ្យ​គេ​ធ្វើ​សំណើ​របស់​យើង​ជា​សំណើ​ជាក់លាក់ ដែល​ទាក់ទង​ទៅ​នឹង​ការកំណត់​ផ្សេងគ្នា​ ដែល​កំពុងឆ្លើយតប​ទៅ​នឹង​ស្ថានភាព​របស់​ប្រទេស​ជាក់លាក់​។​ ​លោក Mamer និយាយ​ថា​ ប្រធាន​គណៈ​កម្មការ​សហភាព​អឺរ៉ុប​លោកស្រី ​Ursula von der Leyen ត្រូវ​បាន​អញ្ជើញ​ដោយ​នាយករដ្ឋមន្ត្រី​​ហុង​គ្រី​លោក Viktor Orban ទៅកាន់​ទីក្រុង Budapest។ លោក​និយាយ​ថា ពួកគេ​ព្យាយាម​កំណត់​ដំណោះស្រាយ និង​ដោះស្រាយ​ក្តី​បារម្ភ​ដោយ​ស្របច្បាប់​របស់​ប្រទេស​ហុង​គ្រី នៅ​ពេល​និយាយ​អំពី​ការ​ផ្គត់ផ្គង់​ប្រេង​។​ លោក​និយាយ​ថា យើង​ទទួល​ស្គាល់​ថា​ ប្រទេស​ហុង​គ្រី និង​ប្រទេស​មួយ​ចំនួន​ទៀត​មានតែ​ផ្លូវគោក និង​ពឹងផ្អែក​ថាមពល​យ៉ាង​សំខាន់​លើ​ការ​ផ្គត់ផ្គង់​ប្រេង​របស់​រុស្ស៊ី គឺ​ស្ថិត​នៅ​ក្នុង​ស្ថានភាព​ជាក់លាក់មួយ​ដែល​ទាមទារ​ឱ្យ​យើង​ស្វែងរក​ដំណោះស្រាយ​។

ក្នុងចំណោម​បញ្ហា​ជាក់លាក់​ដែល​ប្រទេស​ហុង​គ្រី​ប្រឈមមុខ​នោះ លោក Mamer បាន​លើក​ឡើង​អំពី​ហេដ្ឋារចនាសម្ព័ន្ធ​ដឹកជញ្ជូន​ប្រេង​។​ ​ប្រទេស​ហុង​គ្រី​ត្រូវការ​សមត្ថភាព​បំពង់​បង្ហូរ​ប្រេង​សមស្រប ដើម្បី​ភ្ជាប់​ទៅកាន់​ប្រភព​ផ្សេងៗ ប្រសិន​បើ​ប្រេង​របស់​រុស្ស៊ី​ត្រូវ​បាន​ហាមឃាត់ ហើយ​ការ​ស្តុក​ទុក​ប្រេង និង​ហេដ្ឋារចនាសម្ព័ន្ធ​ចម្រាញ់​គឺជា​បញ្ហា​ហេតុ​ផល​ផ្សេងទៀត៕

អត្ថបទ៖ ប៊ុនថន