ភ្នំពេញ៖ ម៉ាសចំនួន១០ម៉ឺនម៉ាស ត្រូវបានតំណាងលោកឧកញ៉ា ណុប ណារ៉ា ប្រធានក្រុមហ៊ុន ហ្គោលដិនថោន បាត់ដំបង និងលោកជំទាវឧកញ៉ា ឃុន ស្រី បាននាំយក ទៅប្រគល់ជូនដ្ឋបាលរាជធានីភ្នំពេញ ដើម្បីរួមចំណែកក្នុងការបង្ការនិងទប់ស្កាត់ជំងឺកូវីដ-១៩ ខណៈដែលជំងឺនេះបាននឹងកំពុងរីករាលដាលចូលក្នុងសហគមន៍ជាថ្មីក្នុងព្រឹត្តិការណ៍សហគមន៍២០កុម្ភៈ។

  ពិធីប្រគល់ និងទទួលម៉ាសនេះបានធ្វើឡើងនារសៀលថ្ងៃទី២២ ខែមិនា ឆ្នាំ២០២១ នៅសាលារាជធានីភ្នំពេញ ក្រោមវត្តមាន លោក កើត ឆែ អភិបាលរងរាជធានីភ្នំពេញ តំណាងឯកឧត្ដម ឃួង ស្រេង អភិបាលរាជធានីភ្នំពេញុ។

   លោក កើត ឆែ អភិបាលរងរាជធានីភ្នំពេញ មានប្រសាសន៍ថា ក្នុងនាមក្រុមប្រឹក្សារាជធានី គណៈអភិបាលរាជធានី មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋ ទាំងអស់នៅរាជធានីភ្នំពេញ លោកសូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុន ហ្គោលដិនថោន បាត់ដំបង ដែលបានឧបត្ថម្ភ ម៉ាសចំនួន១០ម៉ឺនម៉ាសជូនរដ្ឋបាលរាធានីភ្នំពេញ ដើម្បីចាត់វិធានការ បង្ការទប់ស្កាត់ជម្ងឺកូវីដ-១៩ ដែលនេះគឺបានបង្ហាញពីកាយវិការដ៏ល្អ ប្រកបដោយមនុស្សធម៌ និង ពិតជាបានរួមចំណែកយ៉ាងសំខាន់ជាមួយរដ្ឋបាលរាជធានីភ្នំពេញ និងរាជរដ្ឋាភិបាល ក្នុងការចាត់វិធានការទប់ស្កាត់ការរីករាលដាលនៃ មេរោគកូវីដ ១៩ ឱ្យបានទាន់ពេលវេលា៕​អត្ងបទ ៖ វណ្ណដា