​​អឺរ៉ុប៖ តម្លៃ​ឧស្ម័ន​ធម្មជាតិ​នៅ​អឺរ៉ុប​បាន​ហក់​ឡើង​ បន្ទាប់ពី​រំខាន​ទៅដល់​ច្រក​ផ្ទេរ​ដ៏​សំខាន់​កាត់​តាម​ប្រទេស​អ៊ុយ​ក្រែ​ន និង​ខណៈដែល​អាល្លឺម៉ង់​បាន​និយាយថា ​រុស្ស៊ី​កំពុង​ប្រើប្រាស់​ថាមពល​ជា​អាវុធ ​ក្នុងការ​ប៉ះទង្គិច​គ្នា​កាន់តែខ្លាំង​ឡើងជុំវិញ​ការផ្គត់ផ្គង់​ថាមពល​នេះ​។

​កិច្ចសន្យា​គោល​បាន​កើនឡើង​ជាង ២២% ទាក់ទង​ការនាំ​ចេញពី​ប្រទេស​រុស្ស៊ី​តាមរយៈ​អ៊ុយ​ក្រែ​ន ​បាន​ធ្លាក់ចុះ​ប្រហែល ៣០% កាលពី​ថ្ងៃ​ព្រហស្បតិ៍ ​បន្ទាប់ពី​ការរំខាន​នៅ​ចំណុច​ច្រកចូល​ឆ្លង​ព្រំដែន​ដោយសារតែ​សង្គ្រាម​។ បញ្ហា​នេះ​បន្ថែម​ទៅលើ​ក្តីបារម្ភ​របស់​ទីផ្សារ ស្រប​ពេលដែល​ទីក្រុង Moscow បាន​បញ្ឈប់​ការដឹកជញ្ជូន​ទៅកាន់​ក្រុមហ៊ុន Gazprom Germania GmbH និង​អង្គភាព​នានា​របស់ខ្លួន​ជាការ​សងសឹក​។ ​កាលពី​ល្ងាច​ថ្ងៃ​ពុធ​ទីក្រុង Moscow បានដាក់​ទណ្ឌកម្ម​ដល់​អតីត​ក្រុមហ៊ុន​បុត្រ​សម្ព័ន្ធ Gazprom PJSC ដែល​ឥឡូវនេះ​ស្ថិតនៅក្រោម​ការគ្រប់គ្រង​របស់​និយតករ​ថាមពល​អាល្លឺម៉ង់ រួមមាន​ក្រុមហ៊ុន​ផ្គត់ផ្គង់​ថាមពល Wingas GmbH និង​អង្គភាព Gazprom Marketing & Trading Ltd ដែលមាន​មូលដ្ឋាន​នៅ​ទីក្រុង​ឡុង​ដ៍​។

​វិធានការ​នេះ​ក៏​អាច​ប៉ះពាល់​ដល់ទី​ផ្សារ LNG ឬ​ឧស្ម័ន​ធម្មជាតិ និង​នាំ​ឲ្យ​មាន​ក្ដីបារម្ភ​កាន់តែខ្លាំង​ថែមទៀត​អំពី​ការផ្គត់ផ្គង់​ថាមពល​។ ​ទោះយ៉ាងណា​ក៏ដោយ រដ្ឋមន្ត្រីក្រសួង​សេដ្ឋកិច្ច​អាល្លឺម៉ង់​លោក Robert Habeck បាន​និយាយ​សម្រាល​ស្ថានការណ៍​នៃ​ផល​ប៉ះពាល់ដោយ​លើកឡើងថា ការកាត់បន្ថយ​របស់​រុស្ស៊ី​មាន​ចំនួន​ត្រឹមតែ ៣% នៃ​ការ​នាំចូល​របស់​ប្រទេស​នេះ​។ លោក​បាន​បន្តថា​ ប្រទេស​នេះ​កំពុង​ទទួលបាន​ការនាំ​ចេញពី​ប្រភព​ជំនួស​ផ្សេងៗ ហើយ​អាច​ទប់ទល់នឹងការរំខាននេះបាន​៕

អត្ថបទ៖ សុខមាន