អាល្លឺម៉ង់៖ អ្នកការទូតកំពូលមកពីក្រុមប្រទេសរីកលូតលាស់ទាំង៧ បានជួបប្រជុំគ្នាកាលពីថ្ងៃព្រហស្បតិ៍នៅភាគខាងជើងប្រទេសអាល្លឺម៉ង់ ដើម្បីពិភាក្សាអំពីសង្គ្រាមរបស់រុស្ស៊ីលើអ៊ុយក្រែន និងផលប៉ះពាល់ជាសកលជាពិសេសទៅលើតម្លៃអាហារ និងថាមពល។
រដ្ឋមន្ត្រីការបរទេសអាល្លឺម៉ង់លោកស្រី Annalena Baerbock ដែលកំពុងធ្វើជាម្ចាស់ផ្ទះនៃកិច្ចប្រជុំនិយាយថា ជម្លោះបានក្លាយជាវិបត្តិសកលរួចទៅហើយ ដោយសារតែការនាំចេញផលដំណាំចម្បងពីអ៊ុយក្រែន ដែលជាប្រទេសនាំចេញកសិផលសំខាន់មួយបានជាប់គាំងនៅក្នុងប្រទេស។ លោកស្រីបានបន្តថា នោះហើយជាមូលហេតុដែលយើងកំពុងពិភាក្សាអំពីរបៀប ដែលច្រកនាំចេញគ្រាប់ធញ្ញជាតិត្រូវបានបិទធ្វើឡើងដោយរុស្ស៊ីអាចត្រូវបានបើក ហើយយើងអាចនាំចេញគ្រាប់ធញ្ញជាតិទៅកាន់ពិភពលោក។ លោកស្រី Baerbock បានព្រមានថា ភាពអាសន្នផ្នែកស្បៀងអាហារពិភពលោកកំពុងកើនឡើង ដោយសារបម្រែបម្រួលអាកាសធាតុ ជាប្រធានបទមួយផ្សេងទៀតដែលក្រុមរដ្ឋមន្ត្រីមានផែនការពិភាក្សា ក្នុងអំឡុងកិច្ចប្រជុំរយៈពេលបីថ្ងៃនៅទីក្រុង Weissenhaus ជាទីក្រុងរមណីយដ្ឋាននៅលើ ឆ្នេរសមុទ្របាល់ទិក របស់ប្រទេសអាល្លឺម៉ង់ភាគឦសាននៃទីក្រុង Hamburg ។
កិច្ចប្រជុំកំពុងប្រព្រឹត្តទៅក្នុងពេលសន្តិសុខតឹងរ៉ឹង ដោយមានមន្ត្រីនគរបាលប្រមាណ ៣.៥០០នាក់ត្រូវបានដាក់ពង្រាយនៅទីតាំងកិច្ចប្រជុំនេះ។ រដ្ឋមន្ត្រីការបរទេសអ៊ុយក្រែន និងប្រទេសម៉ុលដូវ៉ានៅជិតខាងដែលព្រួយបារម្ភថា ក្លាយជាគោលដៅបន្ទាប់នៃការវាយលុករបស់រុស្ស៊ី ត្រូវបានអញ្ជើញឱ្យចូលរួមជាភ្ញៀវ។ រដ្ឋមន្ត្រីការបរទេសឥណ្ឌូណេស៊ី ដែលប្រទេសរបស់ខ្លួនធ្វើជាប្រធានក្រុមនៃប្រទេសសេដ្ឋកិច្ចចំនួន ២០ ឬ G20 នៅឆ្នាំនេះ មានផែនការចូលរួមពីចម្ងាយសម្រាប់ផ្នែកនៃកិច្ចប្រជុំនេះតាមបណ្តាញអ៊ីនធឺណិត៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
