ដើមឈើដ៏ធំមួយដើម នៅក្នុងឧទ្យានជាតិរាម កំពុងទាក់ទាញទេសចរទស្សនាហូរហែ

ព្រះសីហនុ៖ ដើមឈើធំមួយដើមអ្នកភូមិខេត្តព្រះសីហនុស្គាល់ថា ជាដើមធ្លកយក្ស អភិបាលខេត្តព្រះសីហនុ ប្រសិទ្ធនាមហៅថា មាតាឈើ មានអាយុកាលប្រមាណជាង ១២០០ឆ្នាំ ស្ថិតនៅក្នុងតំបន់ឧទ្យានជាតិរាម តំបន់ឆ្នេរមាស ឆ្នេរប្រាក់ បាននិងកំពុងទាក់ទាញភ្ញៀវទេសចរជាតិអន្តរជាតិអញ្ជើញទៅទស្សនាជាហូរហែឥតដាច់។

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News

បើតាមលោក ហៃ សាមិត្ត បុគ្គលិករមណីយដ្ឋានរាម ប៊ូទិក បានថ្លែងប្រាប់BTV នៅថ្ងៃទី១៤ ខែឧសភានេះថា ដោយសារតែដើមឈើនេះ មានទំហំគល់មានមុខកាត់ប្រមាណជិត ៥ម៉ែត្រ និងមានកំពស់ប្រមាណជាង១០០ម៉ែត្រ និងអាយុកាលចូលខ្ទង់ប្រមាណ១ពាន់ឆ្នាំ មកហើយ បានធ្វើអោយសហគមន៍នៅក្នុងតំបន់ឆ្នេរមាស ឆ្នេរប្រាក់នាំគ្នា ហៅថា ជាដើមឈើយក្ស។

លោក ហៃ សាមិត្ត បន្តថា បច្ចុប្បន្នដើមឈើដ៏ធំមួយដើមនេះ ត្រូវបានប្រជាសហគមន៍ និងម្ចាស់រមណីយដ្ឋានរាម ប៊ូទិក ធ្វើការអភិរក្ស និងអភិវឌ្ឍន៍ធ្វើផ្លូវនាំភ្ញៀវទេសចរជាតិអន្តរជាតិចូលទស្សនាហូរហែឥតដាច់ ហើយភ្ញៀវដែលចូលទស្សនាភាគច្រើនចង់ស្គាល់ថាជាប្រភេទដើមឈើអ្វី និងធ្វើអុធធូបបួងសួងសុំសេចក្តីសុខពីដើមឈើនេះជាដើម។

បើតាមលោកស្រី ឆាយ សៀវលីន ប្រធានសមាគមន៍ទីភ្នាក់ទេសចរណ៍កម្ពុជា CATA បានថ្លែងថា នៅក្នុងដំណើរការរៀបចំកញ្ចប់ទេសចរណ៍មកទស្សនាតំបន់រមណីយដ្ឋានកោះឆ្នេរនានានៅក្នុងតំបន់ឧទ្យានជាតិរាមនេះ យើងក៏មានការរៀបចំនាំភ្ញៀវទេសចរមកទស្សនាដើមឈើយក្ស ដែលមានអាយុកាលជាច្រើនសតវត្សនេះដែរ។

បើតាម លោក ឌី សុខុម នាយខ័ណ្ឌរដ្ឋបាលជលផល ខេត្តព្រះសីហនុ បានថ្លែងថា ជាទូទៅ ដើមឈើគេអាចដឹងអាយុកាលរបស់វា តាមរយៈ ការពិនិត្យមើលរង្វង់ការរីកលូតលាស់នៃដើមឈើនោះបានម្តុំមុខកាត់ផ្នែកគល់ និងការដឹងតៗគ្នាពីជីដូនជីតារបស់អ្នកភូមិ។

លោក បន្តថា ជាទូទៅដើមឈើក្រញូង និងដើមបេងជាដើមវាមិនមានដុះនៅតាមដីកោះឆ្នេរនោះទេ ខណៈគ្រប់ដើមឈើប្រភេទធំៗបែបនេះ ការដុះនៅតាមដីកោះឆ្នេរសមុទ្រ គឺមានការរីកលូតលាស់យឺតណាស់ និងមានការពិបាកដាំអោយដុះទៀតផង។

ទោះយ៉ាងណាក៏ដោយ សម្រាប់ដើមឈើដែលគេដាក់ឈ្មោះថា ជាដើមឈើយក្សនេះ ត្រូវបានរមណីយដ្ឋានរាមប៊ូទិក រៀបចំធ្វើផ្លូវ ធ្វើស្ពានអោយភ្ញៀវទេសចរដើរចូលទៅទស្សនា ដោយភ្ញៀវជាតិ គឺមានការលក់សំបុត្រចូលទស្សនាក្នុងតម្លៃ ២ដុល្លាអាមេរិក ហើយភ្ញៀវអន្តរជាតិ លក់សំបុត្រចូលតម្លៃ ៥ដុល្លាអាមេរិក ក្នុង១នាក់៕ អត្ថបទ៖ ស៊ុម សុខជា

អត្ថបទដែលទាក់ទង

ឯកឧត្តម លេង ផាលី ដឹកនាំយុទ្ធនាការឃោសនាបោះឆ្នោតថ្ងៃទី២ នៅស្រុកឱរ៉ាល់ ខេត្តកំពង់ស្ពឺ

ទេសរដ្ឋមន្ដ្រី លី ធុជ ដឹកនាំគណៈប្រតិភូចូលរួម សន្និបាតប្រចាំឆ្នាំលើកទី៧៨ របស់គណៈកម្មការសេដ្ឋកិច្ច និងសង្គមកិច្ចសម្រាប់អាស៊ី និងប៉ាស៊ីហ្វិក នៅប្រទេសថៃ

កម្ពុជាមិនមានករណីឆ្លងកូវីដ-១៩ថ្មីទេ ខណៈករណីស្លាប់ និងជាសះស្បើយក៏មិនមានដូចគ្នា

បណ្ដាញសង្គម

ព័ត៌មានចុងក្រោយ

ឯកឧត្តម លេង ផាលី ដឹកនាំយុទ្ធនាការឃោសនាបោះឆ្នោតថ្ងៃទី២ នៅស្រុកឱរ៉ាល់ ខេត្តកំពង់ស្ពឺ

សម្តេចតេជោ៖ ខ្ញុំគ្មានសិទ្ធិយកដីខ្មែរ សូម្បី១មីលីម៉ែត្រឱ្យប្រទេសណាទេ

សម្ដេចតេជោ៖ បច្ចុប្បន្នមានអ្នកជំងឺកូវីដ១៩ កំពុងសម្រាក់នៅពេទ្យ៨នាក់ និងគ្មានអ្នកឆ្លងថ្មី១៥ថ្ងៃហើយ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សម្ដេចតេជោ ហ៊ុន សែន អញ្ជើញចុះពិនិត្យទីតាំងបញ្ចុះសពឯកឧត្ដម ហ៊ុន ណេង នៅវត្តសុវណ្ណគិរីរតនៈភ្នំប្រុស

អាវុធហត្ថបន្ទាយមានជ័យ៣នាក់រងបួស ក្នុងករណីបង្ក្រាបជនទំនើងថៃនៅក្រុងប៉ោយប៉ែត និងឃាត់ខ្លួនជនបង្ក១៥នាក់

ព័ត៌មានវីដេអូ

សម្ដេចតេជោណែនាំឱ្យមាតាបិតាអាណាព្យាបាលសិស្សកុំវាយតម្លៃកូនខ្លួនឯងប្រៀបធៀបជាមួយកូនអ្នកដទៃ

ឯកឧត្ដម ហ៊ុន ម៉ាណែត លើកឡើងថា គ្រូបង្រៀនជាអ្នកដែលសម្បូរទៅដោយគំនិត ចំណេះ និងគុណធម៌ខ្ពស់

សម្តេចតេជោ ហ៊ុន សែន អញ្ជើញចូលរួមក្នុងពិធីបើកកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វិក

មន្រ្តីជំនាញ៖ បច្ចុប្បន្នការចាក់វ៉ាក់សាំងដូសជំរុញ មានល្បឿនលឿន បន្ទាប់ពីគ្រូពេទ្យស្ពាយវ៉ាក់សាំងចាក់តាមខ្នងផ្ទះ និងទីប្រជុំជន

តើស្ត្រីមានជំងឺទឹកនោមផ្អែមត្រូវរៀបចំខ្លួនបែបណា ដើម្បីត្រៀមយកបុត្រ ?

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ដើមឈើដ៏ធំមួយដើម នៅក្នុងឧទ្យានជាតិរាម កំពុងទាក់ទាញទេសចរទស្សនាហូរហែ