រដ្ឋមន្រ្តីពាណិជ្ជកម្មបង្ហាញសក្តានុពលវិនិយោគជូនភាគីអាម៉េរិក

2022/05/14 11:51:50 am        275

ភ្នំពេញ៖ ក្នុងឱកាសចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានជួបពិភាក្សាការងារជាមួយ លោក Ron Estes និងលោកស្រី Carol Miller សមាជិកនៃអនុគណៈកម្មាធិការ Ways and Means Trade Subcommittee នៃរដ្ឋសភាសហរដ្ឋអាមេរិក ដើម្បីពង្រឹង និងពង្រីកទំនាក់ទំនងសេដ្ឋកិច្ច-ពាណិជ្ជកម្ម ព្រមទាំងចែករំលែកអំពីវឌ្ឍនភាព-បរិយាកាសធុរកិច្ចនៅកម្ពុជា។

ក្រសួងពាណិជ្ជកម្ម កាលពីល្ងាចថ្ងៃទី១៣ ឧសភា ឆ្នាំ២០២២នេះ ​បានលើកឡើងក្នុងបណ្តាញ​សង្គម​ថា នៅក្នុងជំនួបនាឱកាសនោះ ឯកឧត្តមរដ្ឋមន្រ្តី ​បានជម្រាបជូនភ្ញៀវអំពីកិច្ចខិតខំប្រឹងប្រែងរបស់​រាជ​រដ្ឋាភិបាលកម្ពុជា​ ក្នុងការគ្រប់គ្រងការរីករាលដាលនៃជំងឺកូវីដ-១៩ ​បានយ៉ាងល្អប្រសើរ ដែលនាំ​ឱ្យ​សេដ្ឋកិច្ចកម្ពុជាស្ទុះងើបឡើងវិញយ៉ាងឆាប់រហ័សពីវិបត្តិជំងឺកូវីដ-១៩ ព្រមទាំងបានជម្រាបអំពី​សមិទ្ធផល​ថ្មីៗ និងការធ្វើឱ្យប្រសើរឡើងនូវបរិយាកាសធុរកិច្ចនៅកម្ពុជា ដូចជា ការ​ចរចា​បង្កើតកិច្ចព្រម​ព្រៀង​ពាណិជ្ជកម្មសេរីថ្មីៗ ​ជាពិសេស​កិច្ច​ព្រមព្រៀង​ភាពជាដៃគូសេដ្ឋកិច្ច​គ្រប់ជ្រុង​ជ្រោយតំបន់​ (RCEP) ​កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន និងកម្ពុជា-កូរ៉េ និង​កំពុង​ចរចា​ជាមួយដៃគូផ្សេងៗទៀត ​ថែមទាំងជម្រាបជូននូវការដាក់ចេញ​នូវក្របខណ្ឌយុទ្ធសាស្រ្ត និង​កម្មវិធីស្តារ​និងជំរុញកំណើនសេដ្ឋកិច្ចកម្ពុជា​ក្នុងការរស់នៅជាមួយកូវីដ-១៩​ តាមគន្លងប្រក្រតីភាពថ្មី សម្រាប់​ឆ្នាំ២០២១-២០២៣, ការ​កសាង​ច្បាប់​និង​លិខិតបទដ្ឋាន​គតិយុត្តថ្មីៗ និងការ​បន្តធ្វើ​ទំនើបកម្ម​សេវា​សាធារណៈ ការកាត់​បន្ថយនីតិវិធី​ និងកិច្ចសម្រួលពាណិជ្ជកម្មនានា ដែលបានជួយសម្រួល​យ៉ាងច្រើន​ដល់ការធ្វើធុរកិច្ចនៅកម្ពុជាឱ្យកាន់តែប្រសើរឡើង។

ជាការឆ្លើយតប សមាជិកអនុគណៈកម្មាធិការទាំងពីរ បានថ្លែងកោតសរសើរ និងវាយតម្លៃខ្ពស់​ចំពោះ​សមត្ថភាពក្នុងការគ្រប់គ្រងស្ថានភាពនៃជំងឺកូវីដ-១៩ ​ដ៏មានប្រសិទ្ធភាព ក៏ដូចជា​អបអរ​សាទរ​ចំពោះការ​សម្រេចបាននូវសមិទ្ធផលថ្មី ​និងការងើបឡើងវិញ​យ៉ាងឆាប់រហ័សនៃ​សេដ្ឋកិច្ច​របស់កម្ពុជា។

លើសពីនេះ ភាគីអាម៉េរិក ​បានជម្រាបអំពីការយកចិត្តទុកដាក់របស់អាមេរិកលើបញ្ហាបរិស្ថាន ការប្រែប្រួល​អាកាសធាតុ បទដ្ឋានការងារ ព្រមទាំងបានស្នើឱ្យកម្ពុជាពិនិត្យលទ្ធភាពក្នុងការនាំចូល​ឧស្ម័នហ្គាស៍​ពីសហរដ្ឋអាមេរិកបន្ថែមផងដែរ។

នៅកិច្ចបញ្ចប់ ឯកឧត្តមរដ្ឋមន្រ្តី ​បានស្នើឱ្យសមាជិកសភាសហរដ្ឋអាមេរិក មកធ្វើទស្សនកិច្ចនៅ​កម្ពុជា ​ដើម្បីពិនិត្យវឌ្ឍនភាព​ជាក់ស្តែងនៅកម្ពុជា ព្រមទាំងបានអំពាវនាវឱ្យធុរជនអាមេរិក​មក​វិនិយោគ​នៅកម្ពុជាឱ្យកាន់តែច្រើនបន្ថែមទៀត៕អត្ថបទ៖ ឈិត បូរ៉ាវី


អត្ថបទដែលទាក់ទង

ទេសរដ្ឋមន្ដ្រី លី ធុជ ដឹកនាំគណៈប្រតិភូចូលរួម សន្និបាតប្រចាំឆ្នាំលើកទី៧៨ របស់គណៈកម្មការសេដ្ឋកិច្ច និងសង្គមកិច្ចសម្រាប់អាស៊ី និងប៉ាស៊ីហ្វិក នៅប្រទេសថៃ
2022/05/22 12:56:05 pm        1
កម្ពុជាមិនមានករណីឆ្លងកូវីដ-១៩ថ្មីទេ ខណៈករណីស្លាប់ និងជាសះស្បើយក៏មិនមានដូចគ្នា
2022/05/22 12:06:04 pm        1
សម្ដេចតេជោ៖ បច្ចុប្បន្នមានអ្នកជំងឺកូវីដ១៩ កំពុងសម្រាក់នៅពេទ្យ៨នាក់ និងគ្មានអ្នកឆ្លងថ្មី១៥ថ្ងៃហើយ
2022/05/22 11:56:17 am        1

បណ្ដាញសង្គម

ព័ត៌មានចុងក្រោយ

​ទេសរដ្ឋមន្ដ្រី លី ធុជ ដឹកនាំគណៈប្រតិភូចូលរួម សន្និបាតប្រចាំឆ្នាំលើកទី៧៨ របស់គណៈកម្មការសេដ្ឋកិច្ច និងសង្គមកិច្ចសម្រាប់អាស៊ី និងប៉ាស៊ីហ្វិក នៅប្រទេសថៃ

2022/05/22 12:56:05 pm
​សម្តេចតេជោ៖ ខ្ញុំគ្មានសិទ្ធិយកដីខ្មែរ សូម្បី១មីលីម៉ែត្រឱ្យប្រទេសណាទេ
2022/05/22 12:45:41 pm
​កម្ពុជាមិនមានករណីឆ្លងកូវីដ-១៩ថ្មីទេ ខណៈករណីស្លាប់ និងជាសះស្បើយក៏មិនមានដូចគ្នា
2022/05/22 12:06:04 pm
​សម្ដេចតេជោ៖ បច្ចុប្បន្នមានអ្នកជំងឺកូវីដ១៩ កំពុងសម្រាក់នៅពេទ្យ៨នាក់ និងគ្មានអ្នកឆ្លងថ្មី១៥ថ្ងៃហើយ
2022/05/22 11:56:17 am
​សម្តេចតេជោ៖ កម្ពុជាមានការរីកចម្រើនបន្ទាប់ពីបើកសេដ្ឋកិច្ចឡើងវិញ ជាពិសេសទេសចរណ៍ក្នុងស្រុក
2022/05/22 11:47:53 am

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2022/05/21 06:24:40 pm
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2022/05/21 11:36:37 am
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2022/05/21 10:38:15 pm
​សម្ដេចតេជោ ហ៊ុន​ សែន​ អញ្ជើញចុះពិនិត្យទីតាំងបញ្ចុះសពឯកឧត្ដម​ ហ៊ុន ណេង នៅវត្តសុវណ្ណគិរីរតនៈ​ភ្នំប្រុស
2022/05/22 01:03:58 am
​អាវុធហត្ថបន្ទាយមានជ័យ៣នាក់រងបួស ក្នុងករណីបង្ក្រាបជនទំនើងថៃនៅក្រុងប៉ោយប៉ែត និងឃាត់ខ្លួនជនបង្ក១៥នាក់
2022/05/22 06:21:58 am

ព័ត៌មានវីដេអូ

​សម្ដេចតេជោណែនាំឱ្យមាតាបិតាអាណាព្យាបាលសិស្សកុំវាយតម្លៃកូនខ្លួនឯងប្រៀបធៀបជាមួយកូនអ្នកដទៃ

2022/05/03 05:09:51 am
ឯកឧត្ដម ហ៊ុន ម៉ាណែត លើកឡើងថា គ្រូបង្រៀនជាអ្នកដែលសម្បូរទៅដោយគំនិត ចំណេះ និងគុណធម៌ខ្ពស់
2022/04/27 06:10:36 pm
សម្តេចតេជោ ហ៊ុន សែន អញ្ជើញចូលរួមក្នុងពិធីបើកកិច្ចប្រជុំកំពូលលើកទី៤ ស្តីពីបញ្ហាទឹក នៅតំបន់អាស៊ី-ប៉ាស៊ីហ្វិក
2022/04/23 03:53:22 pm
មន្រ្តីជំនាញ៖ បច្ចុប្បន្នការចាក់វ៉ាក់សាំងដូសជំរុញ មានល្បឿនលឿន បន្ទាប់ពីគ្រូពេទ្យស្ពាយវ៉ាក់សាំងចាក់តាមខ្នងផ្ទះ និងទីប្រជុំជន
2022/04/23 09:53:28 am
តើស្ត្រីមានជំងឺទឹកនោមផ្អែមត្រូវរៀបចំខ្លួនបែបណា ដើម្បីត្រៀមយកបុត្រ ?
2021/10/13 05:32:56 pm