ប្រធាននាយកប្រតិបត្តិ និងតំណាងបុគ្គិលជនខ្ពស់ក្រុមហ៊ុន ឌឹ ផ្លរ៉ា ធ្វើសន្និសីទសារព័ត៌មាន ប្រកាសសម្ពោធជាផ្លូវការនូវផ្ទះម៉ូតថ្មី «វីឡា ឃ្វីន សេនតូ» ដែលជាវីឡាម៉ូតថ្មីនៃគម្រោងឌឹ សេនតូហ្សា ដើម្បីឆ្លើយតបនឹងការរស់នៅបែបប្រណិត ស៊ីវិល័យ និងទាន់សម័យ។

ក្រុមហ៊ុន ឌឹ ផ្លរ៉ា ដែលជាក្រុមហ៊ុនអភិវឌ្ឍន៍អចលនទ្រព្យឈានមុខគេមួយនៅកម្ពុជា នៅថ្ងៃទី១៣ ខែកញ្ញា ឆ្នាំ២០២៦ បានរៀបចំ សន្និសីទសារព័ត៌មាន ប្រកាសដាក់សម្ពោធវីឡាទោលម៉ូតថ្មី ជំនាន់ចុងក្រោយ«វីឡា ឃ្វីន សេនតូ» ស្ថិតនៅក្នុងគម្រោងឌឹសេនតូហ្សា​​​ក្នុ ង គោលបំណងពង្រីកសក្តានុពលនៃការរស់នៅបែបទំនើប ប្រណិតភាព និងសុខដុមរមនាជូនដល់អតិថិជន។

ដើម្បីអបអរសាទរខួប ១១ ឆ្នាំ របស់បុរី ឌឹ ផ្លរ៉ា ដែលបានអភិវឌ្ឍន៍លំនៅដ្ឋានប្រណិតៗជូនអតិថិជនកន្លងមក ក្រុមហ៊ុនមានកាដូ ពិសេសជូនអតិថិជន គឺការដាក់សម្ពោធវីឡាម៉ូតថ្មី ជាមួយការផ្តល់ជូនពិសេសេមិនធ្លាប់មាន។ នៅក្នុងឱកាសសន្និសីទសារព័ត៌មាននេះ ថ្នាក់ដឹកនាំរបស់បុរី ឌឹ ផ្លរ៉ា, លោក លឹម​ កុកឈុន ប្រធាននាយកប្រតិបត្តិ ឌឹ ផ្លរ៉ា គ្រុប បានបញ្ជាក់អំពីចក្ខុវិស័យក្នុងការបន្តនាំមកនូវ លំនៅដ្ឋានស្តង់ដារសំណង់មានគុណភាពខ្ពស់ ការច្នៃប្រឌិតឥតឈប់ឈរ និងការផ្តល់ជូននូវលក្ខខណ្ឌទូទាត់ប្រាក់ងាយស្រួល រួមជាមួយ កម្មវិធីប្រូម៉ូសិនពិសេសៗសម្រាប់អតិថិជនដែលធ្វើការកក់ប្រភេទផ្ទះណាមួយ ក្នុងអំឡុងពេលនៃការបើកសម្ពោធជាផ្លូវការ នៅថ្ងៃទី ១៣ ដល់ ១៥ ខែកញ្ញា ឆ្នាំ២០២៦នេះ នឹងទទួលបាន iPhone18 Pro Max មួយគ្រឿង សម្រាប់ការកក់ផ្ទះគ្រប់ប្រភេទ កាន់តែពិសេសទៀត អតិថិជននឹងចំណេញប្រាក់សុទ្ធរហូតដល់ ៥ ម៉ឺនដុល្លារ រួមទាំងទទួលបានការបញ្ចុះតម្លៃ ៨% បន្ថែម និងមានឱកាសឈ្នះរថយន្តស៊េរី ទំនើប BYD ភ្លាមៗផងដែរ។

វីឡា ឃ្វីន សេនតូ ត្រូវបានរចនាម៉ូតទាន់សម័យ បង្អូចធំៗ ដែលធ្វើឱ្យពន្លឺ និងខ្យល់អាកាសចេញចូលបានល្អ និងតភ្ជាប់ជាមួយ ទេសភាពធម្មជាតិជុំវិញផ្ទះផ្នែកខាង និងខាងក្នុងរចនាទំនើប និងទាន់សម័យក្នុងការរស់នៅតាមសម័យកាល វីឡាឃ្វីន សេនតូ មានមាន កំពស់ផ្ទះ ៣ ជាន់​ បន្ទប់គេង ៣ និងបន្ទប់ទឹក ៦ ទំហំដីសរុប​ ២៥២ ម៉ែត្រការ៉េ ជាមួយតម្លៃពិសេសមិនធ្លាប់មាន ២០ ម៉ឺនដុល្លារជាង សមស្របសម្រាប់គ្រួសារមានសមាជិកច្រើន និងការវិនិយោគនាថ្ងៃអនាគត។

បុរី ឌឹ ផ្លរ៉ា ត្រូវបានរៀបចំជាសហគមន៍លំនៅដ្ឋានទំនើប មានទីតាំងយុទ្ធសាស្ត្រលើផ្លូវជាតិលេខ 6A ដែលផ្តល់ភាពងាយស្រួលក្នុង ការធ្វើដំណើរ និងតភ្ជាប់ទៅកាន់គោលដៅសំខាន់ៗ។ គម្រោងរួមមានសេវាកម្ម និងបរិក្ខារគ្រប់គ្រាន់ដូចជា សាលប្រារព្ធពិធី ផ្សារទំនើប ឧទ្យានបៃតង តំបន់កម្សាន្តកុមារ អាងហែលទឹក និងក្លឹបហាត់ប្រាណ។ ផ្លូវក្នុងគម្រោងមានទំហំធំទូលាយ បង្កើតបរិយាកាសរស់នៅប្រកប ដោយភាពឯកជន សុវត្ថិភាព ផាសុខភាព និងគុណភាពជីវិតដ៏ល្អប្រសើរ។

បុរី ផ្លរ៉ា មិនត្រឹមតែសាងសង់ផ្ទះដែលមានគុណភាពសម្រាប់តែការរស់នៅនោះទេ ប៉ុន្តែបង្កើតនូវ «បទពិសោធន៍នៃការរស់នៅដ៏ មានកិត្យានុភាព និងផាសុកភាពពិតប្រាកដ»។ លើសពីនេះទៅទៀត អ្វីដែលជាមូលដ្ឋានគ្រឹះដ៏រឹងមាំបំផុតនោះគឺ «ទំនុកចិត្ត ១០០%» ជូនដល់អតិថិជនគ្រប់រូប ដោយធានាថា «ទិញផ្ទះបាន ផ្ទះពិតប្រាកដ និងទទួលបានប្លង់រឹងជាកម្មសិទ្ធិស្របច្បាប់» ដែលជាការធានាជូន អតិថិជនយ៉ាងកក់ក្តៅក្នុងការទិញផ្ទះបានពិតប្រាកដ។ តំណាង បុរី ឌឹ ផ្លរ៉ា បានថ្លែងអំណរគុណ និងស្វាគមន៍យ៉ាងកក់ក្តៅចំពោះភ្ញៀវ កិត្តិយស ដៃគូអាជីវកម្ម អ្នកវិនិយោគ និងមិត្តអ្នកសារព័ត៌មានទាំងអស់ ដែលបានអញ្ជើញចូលរួមក្នុងឱកាសដ៏សំខាន់នេះ។ សម្រាប់ ព័ត៌មានបន្ថែម សូមទំនាក់ទំនងតាមលេខទូរស័ព្ទ 010/087 366 886 ឬអញ្ជើញទៅទស្សនាគម្រោងផ្ទាល់នៅលើផ្លូវជាតិលេខ 6A៕ អត្ថបទ៖ សុន រ៉ាឌី