អន្ដរជាតិ៖ សារព័ត៌មានរដ្ឋបានរាយការណ៍ថា កាលពីថ្ងៃអាទិត្យម្សិលមិញ កូរ៉េខាងជើង បានបញ្ជាក់ករណីស្លាប់មនុស្ស ១៥នាក់បន្ថែមទៀត និងអ្នកជំងឺរាប់ម៉ឺននាក់ ខណៈដែលពួកគេដាក់ពង្រាយក្រុមការងារសុខភាព និងក្រុមការងារផ្សេងទៀត ជាង ១លាននាក់ ដើម្បីព្យាយាមទប់ស្កាត់ការរីកដាលឆ្លងជំងឺ COVID-19លើកដំបូង​នៅក្នុងប្រទេសមួយនេះ ។ ខណៈពេលនោះដែរ ប្រធានាធិបតីកូរ៉េខាងត្បូង លោក យូន ស៊ុក យ៉ុល នៅថ្ងៃចន្ទនេះ បាននិយាយថា លោកនឹងផ្តល់ការគាំទ្រយ៉ាងពេញទំហឹង​ដល់កូរ៉េខាងជើង ក្នុងការដោះស្រាយជំងឺ COVID-19 បើសិនជាទីក្រុងព្យុងយ៉ាង ឆ្លើយតបនឹង​ការផ្តល់ជូននេះ ៕