Boston Celtics ទម្លាក់​ក្រុម​ការពារ​ជើងឯក Milwaukee Bucks ឡើង​វគ្គ​ផ្តាច់ព្រ័ត្រ NBA ភាគ​ខាងកើត​

Boston Celtics ទម្លាក់ក្រុមការពារជើងឯក Milwaukee Bucks ឡើងវគ្គផ្តាច់ព្រ័ត្រ NBA ភាគខាងកើត

បាល់បោះ៖ ក្រុមការពារតំណែងជើងឯកបាល់បោះក្របខណ្ឌ NBA អាមេរិក Milwaukee Bucks បានធ្លាក់ចេញពីការប្រកួតហើយត្រឹមវគ្គពាក់កណ្តាលផ្តាច់ព្រ័ត្រនៅភាគខាងកើតក្រោមស្នាដៃ Boston Celtics។ ការប្រកួតរវាងក្រុមទាំងពីរចំនួន ៦ប្រកួតកន្លងមកគឺស្មើគ្នា ៣-៣ ខណៈជំនួបម្សិលមិញជាការប្រកួតកាត់សេចក្តីដោយ Boston Celtics បានយកឈ្នះក្នុងលទ្ធផល ១០៩-៨១។

កីឡាករ Grant Williams បោះបាន ២៧ពិន្ទុបូករួមទាំងការបោះបីពិន្ទុ ៧លើកឱ្យ Boston ខណៈដែល Jayson Tatum បោះបាន ២៣ពិន្ទុផងដែរ។ រីឯ Milwaukee Bucks កីឡាករក្រិក Giannis Antetokounmpo ក៏បោះបាន ២៥ពិន្ទុផងដែរតែមិនអាចរាំរាំងក្រុមរបស់ខ្លួនពីបរាជ័យបាន។ Boston Celtics ជាជើងឯក NBA សរុបចំនួន ១៧លើកស្មើនឹងកំណត់ត្រារបស់ LA Lakers ដែរនោះបានឈានឡើងវគ្គផ្តាច់ព្រ័ត្រនៅភាគខាងលិចជាលើកទី៤ ក្នុងរយៈពេល ៦ឆ្នាំចុងក្រោយ និងជាការស្វែងជើងឯកលើកដំបូងតាំងពីឆ្នាំ២០០៨ ដោយនឹងត្រូវជួបជាមួយ Miami Heat នៅវគ្គផ្តាច់ព្រ័ត្រភាគខាងកើតនេះ។

ចំណែកឯមួយប្រកួតទៀត Dallas Mavericks ក៏បានឈានឡើងវគ្គផ្តាច់ព្រ័ត្រផងដែរនៅភាគខាងលិច ក្រោយយកឈ្នះ Phoenix Suns ១២៣-៩០។ មិនខុសគ្នាពីគូមុនឡើយ ក្រុមទាំងពីរ ៦ប្រកួតកន្លងមកស្មើគ្នា ៣-៣ ខណៈអ្វីត្រូវសំរេចត្រឹមប្រកួតទី៧ នេះ។ កីឡាករ Luka Doncic បោះបានសរុប ៣៥ពិន្ទុម្នាក់ឯងបូករួមទាំង ១០បាល់រីបោន ស្របពេលដែលមិត្តរួមក្រុម Spencer Dinwiddie បោះបាន ៣០ពិន្ទុ និង Jalen Brunson ២៤ពិន្ទុ។ ជ័យជំនះនេះ Dallas Mavericks នឹងបន្តជួបជាមួយ Golden State Warriors នៅវគ្គផ្តាច់ព្រ័ត្រភាគខាងលិច ដែលនឹងចាប់ផ្តើមប្រកួតទី១ នៃ Series ៧ប្រកួតនៅព្រឹកថ្ងៃព្រហស្បតិ៍ខាងមុខនេះ៕

អត្ថបទ៖នាង សុភាវុធ

អត្ថបទដែលទាក់ទង

MLS បើកការស៊ើបអង្កេតលើ Inter Miami ជុំវិញការចោទប្រកាន់ថាបានទាក់ទង Casemiro ដោយមិនគោរពបទប្បញ្ញត្តិ

Hun Sen Cup៖ ឧត្តរមានជ័យ ស្មើបន្ទាយមានជ័យ ខណៈខេត្តកណ្ដាល រកបាន ៣ពិន្ទុពេញពីជំនួបបើកឆាកពូលB

អត្តពលិកកីឡារាំទៅចូលរួមប្រកួតជើងឯកអាស៊ី-អាស៊ាន នៅម៉ាឡេស៊ី ខណៈប្រធានសហព័ន្ធជឿជាក់នាំ មេដាយជូនជាតិ

បណ្ដាញសង្គម

ព័ត៌មានចុងក្រោយ

អ៊ីរ៉ង់ព្រមានកងទ័ពអាមេរិកកុំឱ្យអនុវត្តបញ្ជា «ខុសច្បាប់យ៉ាងជាក់ស្ដែង»

អូម៉ង់អះអាងថា ខ្លួនកំពុងធ្វើការជាមួយអារ៉ាប៊ីសាអ៊ូឌីត យេម៉ែន និងUN ដើម្បីបន្តដំណើរនយោបាយឆ្ពោះទៅរកស្ថិរភាព

សហរដ្ឋអាមេរិកច្រានចោលការអះអាងរបស់អ៊ីរ៉ង់អំពីការគ្រប់គ្រងលើច្រកសមុទ្រហ័រមូស

រយៈពេល១ឆ្នាំទៅហើយ ដែលពលរដ្ឋភៀសសឹកនៅខេត្តព្រះវិហារមិនអាចវិលទៅលំនៅឋាន ព្រោះតែយោថៃនៅតែឈ្លានពានខុសច្បាប់

នាយករដ្ឋមន្ត្រីថៃថ្កោលទោសការវាយប្រហារប្រដាប់អាវុធនៅភាគខាងត្បូង និងបញ្ជាឱ្យតាមរកជនល្មើស

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

Boston Celtics ទម្លាក់ក្រុមការពារជើងឯក Milwaukee Bucks ឡើងវគ្គផ្តាច់ព្រ័ត្រ NBA ភាគខាងកើត