​សហរដ្ឋអាមេរិក៖ អ្នកនាំពាក្យ​ក្រសួងការបរទេស​សហ​រដ្ឋ​អាមេរិកលោក Ned Price និយាយ​ថា សហរដ្ឋអាមេរិក​នៅពីក្រោយ​ប្រទេស​ស៊ុយអែត និង​ហ្វាំ​ង​ឡង់​យ៉ាង​ពេញទំហឹង​ក្នុង​ការ​ចូល​ជា​សមាជិក​អង្គការ NATO ទោះបីជា​ប្រទេស​ទួរគី​ទទូច​ថា ​ខ្លួន​នឹងមិន​អនុញ្ញាតឱ្យ​បណ្តា​ប្រទេស​នៅ​តំបន់ ​Nordic ដែល​មិន​មែន​ជា​សម្ព័ន្ធ​ពីមុនមក​ចូលរួម​ជាមួយ​សម្ព័ន្ធ​នេះឡើយ ដោយសារតែ​ការ​ចោទ​ប្រកាន់​ពួកគេ​ចំពោះ​ការគាំទ្រ​ក្រុម​សកម្មប្រយុទ្ធ​ឃឺ​ដ​។

​

​លោក Ned Price និយាយថា លោក​កំពុង​ពន្យល់​ពី​ទំនុកចិត្ត​របស់​យើង ​នៅ​ក្នុង​បរិបទ​នៃ​ការ​ពិភាក្សា​ដែល​យើង​មាន​ទ្វេភាគី ពហុភាគី និង​រួមគ្នា​ជា​សម្ព័ន្ធ​ភាព​។​ ការជំទាស់​ដោយ​ពាក្យសំដី​យ៉ាងខ្លាំង​របស់​ប្រធានាធិបតី​ទួរគីលោក Recep Tayyip Erdogan បានធ្វើឱ្យ​បេក្ខភាព​ទាំងពីរ​ប្រទេស និង​សមាជិក​ NATO​ ផ្សេងទៀត​មាន​ភាព​ស្មុគស្មាញ​ដល់​អ្វី​ដែលត្រូវបាន​គេ​រំពឹងថា ជាការ​ពង្រីក​សម្ព័ន្ធ​ភាព​យ៉ាង​ឆាប់រហ័ស បន្ទាប់ពី​ការ​លុកលុយ​របស់​រុស្ស៊ី​លើអ៊ុយ​ក្រែ​ន​។​ ​សភា​ប្រទេស​ហ្វាំ​ង​ឡង់​កាលពី​ថ្ងៃ​អង្គារ​បាន​បោះត្រា ​លើ​សេចក្តីសម្រេច​របស់​រដ្ឋា​ភិ​បាល​ក្នុងការ​ស្វែង​រក​សមាជិកភាព​ ខណៈ​រដ្ឋមន្ត្រីការបរទេស​ស៊ុយអែត​បាន​ចុះហត្ថលេខា​លើ​លិខិតស្នើ​សុំ​ជា​ផ្លូវការ ដើម្បី​ប្រគល់​ទៅ​ឱ្យ​ទីស្នាក់ការ​កណ្តាល​របស់​សម្ព័ន្ធ​នៅ​ទីក្រុង​ប្រ៊ុ​ច​សែ​ល​៕

អត្ថបទ៖ ប៊ុនថន