ខានស្អែកនេះការប្រកួតបាល់ទាត់ពានរង្វាន់ក្លឹបលំដាប់ទី២ទ្វីបអាស៊ី នឹងចូលមកដល់ ហើយក្លឹបបាល់ទាត់ព្រះខ័នរាជស្វាយរៀង បានត្រៀមរួចរាល់ក្នុងនាមម្ចាស់ផ្ទះ។

ជាក់ស្ដែងថ្មីៗនេះ ក្លឹបបានប្រកាសលក់សំបុត្រចូលទស្សនាសម្រាប់ការប្រកួតជាមួយ Shanghai Shenhua ពានរង្វាន់ AFC Champions League Two 2026/27នេះ។

យោងសេចក្ដីជូនដំណឹងបានបញ្ជាក់ថា តម្លៃសំបុត្រសម្រាប់អ្នកគាំទ្រព្រះខ័នរាជស្វាយរៀង ៨,០០០ រៀល និងសំបុត្រសម្រាប់អ្នកគាំទ្រ Shanghai ៨,០០០ រៀលដែរ។

លើសពីនេះក្លឹបនៅបានបញ្ជាក់ឱ្យអ្នកគាំទ្រ ទាញយក app ព្រះខ័នរាជស្វាយរៀង ឬធ្វើការ update app ដើម្បីទទួលបាន version ចុងក្រោយរួចធ្វើការទិញសំបុត្រភ្លាមៗ។

ព្រះខ័នរាជស្វាយរៀង ទទួលក្លឹបចិន Shanghai Shenhua ថ្ងៃទី១៥ ខែតុលា ឆ្នាំ២០២៦ នៅពហុកីឡដ្ឋានជាតិ មរតកតេជោ ម៉ោង៧និង១៥នាទីយប់ ហើយ BTV News ផ្សាយផ្ទាល់៕