ភ្នំពេញ៖ នៅថ្ងៃទី២០ ខែឧសភា ឆ្នាំ២០២២ ឯកឧត្តម ឧត្តមសេនីយ៍ឯក ឈៀ ស៊ីដារ៉ា អគ្គលេខាធិការរង​នៃសមាគមអតីតយុទ្ធជនកម្ពុជា តំណាងឯកឧត្តម គន់ គីម អនុប្រធាន និងជាអគ្គលេខាធិកាសមាគមអតីតយុទ្ធជន បានដឹកនាំប្រតិភូចូលរួម​ទិវាខួបលើកទី១០០​ នៃការបង្កើតសមាគមអតីតយុទ្ធជនកងកម្លាំងប្រដាប់អាវុធម៉ាឡេស៊ី ដែលនឹងប្រារព្ធនៅថ្ងៃទី២១ ខែឧសភា ឆ្នាំ២០២២។

ក្នុងទិវាខួបលើកទី១០០ សមាគមអតីតយុទ្ធជនកងកម្លាំងប្រដាប់អាវុធម៉ាឡេស៊ី នឹងផ្តោត​លើការ​រំលឹកដល់សកម្មភាព នៃការលះបង់របស់អតីតយុទ្ធជន និងពិធីដង្ហែរក្បួន​ព្យុះហយាត្រា​ដោយមានការ​ចូលរួមពីនាយករដ្ឋមន្រ្តី ទេសរដ្ឋមន្រ្តីក្រសួងការពារប្រទេសម៉ាឡេស៊ី និងបណ្តា​ប្រទេសជា​សមាជិកនៃសហព័ន្ធអតីតយុទ្ធជនបណ្តាប្រទេសអាស៊ាន(VECONAC)។  

ក្នុងឱកាសអញ្ជើញចូលរួមក្នុងទិវានេះ ឯកឧត្តម ឈៀ ស៊ីដារ៉ា ប្រធានប្រតិភូ នឹងចូលជួប​សំណេះសំណាល​សម្តែងការគួរសម និងនាំយកសារជូនពររបស់ឯកឧត្តមអនុប្រធាន អគ្គលេខាធិការ​នៃសមាគមអតីតយុទ្ធជនកម្ពុជាជូនដល់ឯកឧត្តមប្រធាន​សមាគមអតីត​យុទ្ធជនកងកម្លាំងប្រដាប់អាវុធម៉ាឡស៊ីផងដែរ។