​សហរដ្ឋ​អាមេរិក៖ ជនអន្តោប្រវេសន៍​ជាច្រើន​នាក់​ដែល​បាន​ឆ្លង​កាត់ទឹក​រាក់​នៃ​ទន្លេ Rio Grande បាន​ទៅដល់​ទីក្រុង Eagle Pass រដ្ឋ​តិច​សាស​កាលពី​ព្រឹក​ថ្ងៃ​សុក្រ ខណៈ​មាន​ភាព​មិន​ច្បាស់​លាស់​ផ្នែក​ច្បាប់​។ ជនអន្តោប្រវេសន៍​ភាគ​ច្រើន​មកពី​ប្រទេស​គុយបា កូ​ឡុំ​ប៊ី នី​កា​រ៉ា​ហ្គ័​រ និង​វេ​ណេ​ស៊ុយ​អេ​ឡា។

​

​នាង Ana Pinales មកពី​សាធារណរដ្ឋ​ដូ​មី​នី​ក​បាន​ទៅដល់​ទីក្រុង​ Eagle Pass បន្ទាប់ពី​បាន​មក​រស់នៅ​ដោយ​ខុសច្បាប់​អស់​រយៈពេល ​3​ឆ្នាំ​ក្នុង​ប្រទេស​ឈី​លី ហើយ​មិន​អាច​ស្វែងរក​ការងារ​ដែល​មាន​ស្ថិរភាព​នៅ​ទីនោះ​។​ នាង​បាន​ដើរ​ឆ្លងកាត់​ទន្លេ​នៅ​ពេល​ព្រឹក​ព្រលឹម ហើយ​បាន​ដើរ​តាម​ផ្លូវ​កខ្វក់​ជាមួយ​ជនជាតិ​នី​កា​រ៉ា​ហ្គ័​រ ៣៥​នាក់ និង​គុយបា ​២៥​នាក់ ដោយ​ស្វែងរក​ភ្នាក់ងារ​ល្បាត​ព្រំដែន​ដើម្បី​ទាមទារ​រក​សិទ្ធិ​ជ្រកកោន​។

​ក្នុង​រយៈពេល​ប៉ុន្មាន​ខែ​ថ្មីៗ​នេះ ព្រំដែន​ជាប់​ទីក្រុង​តូចៗ​របស់​រដ្ឋ​តិច​សាស​មាន​ទីក្រុង Eagle Pass និង Del Rio ក៏ដូចជា​ជ្រលង​ភ្នំ Rio Grande របស់​រដ្ឋ​តិច​សាស ជា​ច្រក​របៀង​មមាញឹក​បំផុត​សម្រាប់​ការ​ឆ្លង​កាត់​ដោយ​ខុសច្បាប់ ជាក់ស្ដែង​ដោយសារតែ​ផ្លូវ​ឆ្លងកាត់​តាម​ប្រទេស​ម៉ិចស៊ិក ​ត្រូវ​បាន​គេ​ចាត់ទុកថា​មាន​សុវត្ថិភាព​ពី​ការ​ចាប់​ជំរិត និង​ឧក្រិដ្ឋកម្ម​ផ្សេងៗ ហើយ​ការ​ឆ្លងកាត់​ទន្លេ​មាន​ភាព​ងាយ​ស្រួល៕

អត្ថបទ៖ ប៊ុនថន