(កម្ពុជា)៖ ក្លឹបបាល់ទាត់ព្រះខ័នរាជស្វាយរៀង ត្រូវចាកចេញពីមាតុប្រទេសនៅរសៀលថ្ងៃទី២៧ ខែតុលា ឆ្នាំ២០២៦នេះហើយដើម្បីជួបជាមួយ Tampines Rovers ក្នុងការប្រកួត AFC Champion League Two ក្នុងពូល G។

ក្លឹបទាំងពីរនឹងជួបគ្នានៅថ្ងៃទី២៩ ខែតុលា ឆ្នាំ២០២៦ វេលាម៉ោង ៥និង០០នាទីល្ងាច ម៉ោងនៅព្រះរាជណាចក្រកម្ពុជា ហើយទូរទស្សន៍ BTV News ផ្សាយផ្ទាល់ជូនបងប្អូនអ្នកគាំទ្របាល់ទាត់ជាតិទស្សនា។

ទាំងព្រះខ័នរាជស្វាយរៀង និង Tampines Rovers សុទ្ធតែធ្វើបានល្អក្នុងលីគកំពូលរបស់ខ្លួន។ ត្បិតកំពុងឈរនៅចំណាត់ថ្នាក់លេខ៣ក្នុងលីគកំពូលកម្ពុជា តែព្រះខ័នរាជស្វាយរៀងមិនទាន់ចាញ់នោះទេ ដោយ៥ប្រកួត ឈ្នះ៣ និងស្មើពីរប្រកួត។ ចំណែកឯ Tampines Rovers កំពុងឈរនៅកំពូលតារាងលីគកំពូលសងិ្ហបុរី ៤ប្រកួតឈ្នះទាំង៤មាន១២ពិន្ទុពេញ។

យ៉ាងនេះក្តីក្នុងការប្រកួតពានរង្វាន់ក្លឹបបាល់ទាត់ទ្វីបអាស៊ីលំដាប់ទី២ AFC Champion League Twoនេះ ក្លឹបទាំងពីរមិនសូវខុសគ្នាប៉ុន្មានទេ ពីរប្រកួតធ្វើមិនល្អទាំងពីរ តែព្រះខ័នរាជស្វាយរៀង រកបាន១ពិន្ទុ ក្រោយពីរប្រកួត ចាញ់ Machida Zelvia និងស្មើក្រុមខ្លាំងចិន Shaghai Shenhua ០ទល់នឹង០។ ផ្ទុយទៅវិញ Tampines Rovers ពីរប្រកួតចាញ់ទាំងពីរ គឺចាញ់ Shanghai Shenhua ១ទល់នឹង២ និងចាញ់ Machida Zelvia ០ទល់នឹង១។

ដូច្នោះការប្រកួតនៅល្ងាចថ្ងៃព្រហស្បតត្តិ៍នេះ ក្លឹបទាំងពីរត្រូវការឈ្នះរៀងៗខ្លួនដើម្បីលួងចិត្តអ្នកគាំទ្រសម្រាប់ការប្រកួតពានរង្វាន់អន្តរជាតិដ៏សំខាន់នេះ៕