ម្ចាស់ពាន Ballon d’Or, Harry Kane បន្តកិច្ចសន្យាជាមួយ Bayern Munich ដល់ឆ្នាំ២០២៩

ខ្សែប្រយុទ្ធឆ្នើមសញ្ជាតិអង់គ្លេស Harry Kane បានសម្រេចបន្តកិច្ចសន្យាថ្មីជាមួយក្លឹប Bayern Munich រហូតដល់ថ្ងៃទី៣០ ខែមិថុនា ឆ្នាំ២០២៩ ខណៈក្លឹបយក្សអាល្លឺម៉ង់បានប្រកាសជាផ្លូវការកាលពីថ្ងៃព្រហស្បតិ៍។

ប្រធានក្រុមជម្រើសជាតិអង់គ្លេសរូបនេះ បានផ្លាស់ពី Tottenham Hotspur មកចូលរួមជាមួយ Bayern Munich កាលពីឆ្នាំ២០២៣ ហើយបានរួមចំណែកជួយក្លឹបឈ្នះជើងឯក Bundesliga ចំនួនពីរលើក ពានរង្វាន់ German Cup មួយលើក និង German Super Cup ចំនួនពីរលើក។

ក្នុងវ័យ ៣៣ ឆ្នាំ Kane បានបង្ហាញទម្រង់លេងយ៉ាងលេចធ្លោ ដោយស៊ុតបញ្ចូលទីបាន ១៥៦ គ្រាប់ ក្នុងការបង្ហាញខ្លួន ១៦១ ប្រកួត គ្រប់កម្មវិធីប្រកួតឱ្យ Bayern Munich។ អ្វីដែលកាន់តែពិសេស ខ្សែប្រយុទ្ធរូបនេះទើបតែឈ្នះពានរង្វាន់ Ballon d’Or កាលពីសប្តាហ៍មុន ដែលធ្វើឱ្យគេក្លាយជាកីឡាករអង់គ្លេសដំបូងគេ បន្ទាប់ពី Michael Owen ក្នុងឆ្នាំ២០០១ ដែលឈ្នះពានរង្វាន់ដ៏មានកិត្យានុភាពនេះ។

កន្លងមក Kane តែងតែមានព័ត៌មានភ្ជាប់ជាមួយការវិលត្រឡប់ទៅកាន់ក្របខណ្ឌ Premier League វិញ ដោយរូបគេនៅតែខ្វះ ៤៧ គ្រាប់ទៀត ដើម្បីតាមស្មើកំណត់ត្រាស៊ុតបញ្ចូលទីច្រើនបំផុតរបស់ Alan Shearer ដែលមាន ២៦០ គ្រាប់ក្នុងប្រវត្តិសាស្ត្រលីគកំពូលអង់គ្លេស។

ទោះជាយ៉ាងណា ខ្សែប្រយុទ្ធរូបនេះធ្លាប់បានបញ្ជាក់កាលពីខែសីហាថា Premier League លែងមានភាពទាក់ទាញដូចមុនសម្រាប់រូបគេទៀតហើយ ដោយបច្ចុប្បន្នរូបគេផ្តោតសំខាន់លើអាជីពបាល់ទាត់នៅប្រទេសអាល្លឺម៉ង់។

ទាក់ទងនឹងកិច្ចសន្យាថ្មីនេះ Bayern Munich មិនបានបង្ហើបពីតម្លៃហិរញ្ញវត្ថុនៃកិច្ចព្រមព្រៀងឡើយ។ ប៉ុន្តែ សារព័ត៌មានអាល្លឺម៉ង់បានរាយការណ៍ថា កុងត្រាថ្មីនេះគឺជាកិច្ចសន្យាដែលមានតម្លៃខ្ពស់បំផុតក្នុងប្រវត្តិសាស្ត្ររបស់ក្លឹប និងជាផ្នែកមួយនៃការប្តេជ្ញាចិត្តរយៈពេលវែងចំពោះប្រធានក្រុមជម្រើសជាតិអង់គ្លេសរូបនេះ។

គួរឱ្យដឹងថា Kane បានបញ្ចប់ក្នុងនាមជាកីឡាករស៊ុតបញ្ចូលទីច្រើនជាងគេប្រចាំ Bundesliga នៅគ្រប់រដូវកាលចាប់តាំងពីចូលរួមជាមួយ Bayern Munich ហើយថែមទាំងត្រូវបានជ្រើសរើសជាកីឡាករឆ្នើមប្រចាំឆ្នាំរបស់អាល្លឺម៉ង់ក្នុងឆ្នាំ២០២៦ ផងដែរ។

លើសពីនេះ រូបគេក៏ធ្លាប់ឈ្នះពានរង្វាន់ European Golden Shoe ចំនួនពីរលើក ដែលប្រគល់ជូនកីឡាករដែលស៊ុតបញ្ចូលទីបានច្រើនជាងគេក្នុងលីគកំពូលអឺរ៉ុប ខណៈក្នុងព្រឹត្តិការណ៍ World Cup ឆ្នាំនេះ Kane បានដឹកនាំក្រុមជម្រើសជាតិអង់គ្លេសបញ្ចប់ក្នុងចំណាត់ថ្នាក់លេខ៣ ផងដែរ៕ អត្ថបទ៖នាង សុភាវុធ

អត្ថបទដែលទាក់ទង

ម្ចាស់ពាន Ballon d’Or, Harry Kane បន្តកិច្ចសន្យាជាមួយ Bayern Munich ដល់ឆ្នាំ២០២៩

ព្រះខ័នរាជ និងភ្នំពេញក្រោន ត្រូវធ្វើការងារធ្ងន់ ខណៈអង្គរថាយហ្គឺរ ជួបវិសាខា ថ្ងៃអាទិត្យនេះ

Cristiano Ronaldo៖ ដំណើរជាង២៣ឆ្នាំជាមួយព័រទុយហ្កាល់ ពីក្តីស្រមៃរបស់ក្មេងប្រុសម្នាក់ ទៅជារឿងព្រេងបាល់ទាត់ដែលពិភពលោកចងចាំ

បណ្ដាញសង្គម

ព័ត៌មានចុងក្រោយ

កម្ពុជា និងហ្វីលីពីនប្តេជ្ញាចិត្តរួមគ្នា ក្នុងការបន្តពង្រឹងចំណងមិត្តភាព និងកិច្ចសហប្រតិបត្តិការ ដ៏យូរអង្វែង

ពិព័រណ៍ផលិតផលខ្មែរ លើកទី២ ផ្ដល់បទពិសោធន៍ថ្មីដល់សិស្សសិក្សាឈ្វេងយល់ពីស្នាដៃកូនខ្មែរ

ផ្ទាំងប៉ាណូផ្សព្វផ្សាយពីកិច្ចប្រជុំកំពូលហ្វ្រង់កូហ្វូនី ត្រូវបានដំឡើងតាមដងផ្លូវក្នុងរាជធានីភ្នំពេញស្វាគមន៍គណៈប្រតិភូ

មន្ត្រីជាន់ខ្ពស់៖ អ៊ីរ៉ង់បានផ្ញើសំណើពាក់ព័ន្ធនឹងបញ្ហានុយក្លេអ៊ែរទៅសហរដ្ឋអាមេរិក តាមរយៈកាតា

ម្ចាស់ពាន Ballon d’Or, Harry Kane បន្តកិច្ចសន្យាជាមួយ Bayern Munich ដល់ឆ្នាំ២០២៩

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ម្ចាស់ពាន Ballon d’Or, Harry Kane បន្តកិច្ចសន្យាជាមួយ Bayern Munich ដល់ឆ្នាំ២០២៩