សហរដ្ឋអាមេរិក៖ រដ្ឋមន្ត្រីការពារជាតិសហរដ្ឋអាមេរិកលោក Lloyd Austin និងប្រធាននាយសេនាធិការចម្រុះលោក Mark Milley បាននិយាយថា ពួកគេនឹងធ្វើឱ្យអស់ពីសមត្ថភាពដើម្បីគាំទ្រអ៊ុយក្រែន ក្នុងអំឡុងសង្គ្រាមជាមួយរុស្ស៊ី ប៉ុន្តែអ្វីដែលជាចុងបញ្ចប់នៃជម្លោះទំនងជានឹងត្រូវបានកំណត់ដោយអ៊ុយក្រែន ហើយមិនមែនដោយយើងនោះទេ។
ការលើកឡើងបែបនេះបានធ្វើឡើងបន្ទាប់ពីកិច្ចប្រជុំលើកទី២ នៃក្រុមទំនាក់ទំនងអ៊ុយក្រែនកាលពីថ្ងៃចន្ទរៀបចំដោយលោក Austin។ ក្រុមនេះមានសមាសភាពប្រទេសដែលគាំទ្រ ការផ្តល់ជំនួយដល់អ៊ុយក្រែនក្នុងការប្រយុទ្ធប្រឆាំងរុស្ស៊ី។ លោក Austin និយាយថា ប្រទេសចំនួន ២០ បានប្រកាសកញ្ចប់ជំនួយសន្តិសុខថ្មី។ ប្រទេសជាច្រើនកំពុងផ្តល់ជំនួយគ្រាប់កាំភ្លើងធំ ប្រព័ន្ធការពារឆ្នេរសមុទ្រ រថក្រោះ និងរថពាសដែកផ្សេងទៀត។
ប្រទេសមួយចំនួនទៀតបានឆ្ពោះទៅមុខដោយការប្តេជ្ញាចិត្តថ្មី សម្រាប់ការបណ្តុះបណ្តាលកងកម្លាំងអ៊ុយក្រែន និងគាំទ្រប្រព័ន្ធយោធារបស់អ៊ុយក្រែន។ លោក Mark Milley និយាយថា យើងចង់ធ្វើឱ្យប្រាកដថាមានការបង្រួបបង្រួមរបស់ណាតូ។ យើងមានបំណងរក្សាគោលគំនិតដែលមានច្បាប់ផ្អែកលើសណ្ដាប់ធ្នាប់អន្តរជាតិ ហើយប្រទេសមានអំណាចមិនអាចបំផ្លាញ និងវាយលុកប្រទេសទន់ខ្សោយនោះទេ៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
