ក្នុងនាមប្រទេសកម្ពុជារៀបចំធ្វើជាម្ចាស់ផ្ទះលើកទី២០ ភ្ញៀវទេសចរអន្តរជាតិប្រទេសបារាំបានសសើរប្រទេសកម្ពុជារៀបចំបានល្អ និងផ្សព្វផ្សាយ វប្បធម៌ ប្រពៃណី និងទេសចរណ៍កម្ពុជាជាដើមនោះ ទៅកាន់ប្រទេសបារាំងពេលត្រឡប់ទៅកាន់ប្រទេសវិញ។

ក្នុងពេលចូលទស្សនាភូមិហ្រ្វង់កូហ្វូនី ស្ថិតនៅសួនច្បារវត្តបទុមវតី នៅព្រឹកថ្ងៃទី១៤ ខែវិច្ឆិកា ឆ្នាំ២០២៦នេះ Mr. BARROT YANNIK Pre’sident Me’morial LYON JAPON- JAPON FRANCE បានប្រាប់BTVថា ខ្ញុំយល់ឃើញថា ការរៀបចំកិច្ចប្រជុំកំពូលហ្វ្រង់កូហ្វូនីនៅក្នុងប្រទេសកម្ពុជា គឺអស្ចារ្យមែនទែន ដែលប្រទេសកម្ពុជាជាភ្លើងហ្វាបើកពន្លឺទៅកាន់ពិភពលោកឱ្យដឹងកាន់តែច្បាស់ពីប្រទេសកម្ពុជា។ហើយខ្ញុំមកប្រទេសកម្ពុជាតាំងពី៨ឆ្នាំមកហើយ ខ្ញុំឃើញប្រទេសកម្ពុជាមានការអភិវឌ្ឍសេដ្ឋកិច្ចរីកចំរើន។

Mr. BARROT YANNIK Pre’sident Me’morial LYON JAPON- JAPON FRANCE បន្តថា ក្រោយបញ្ចប់កិច្ចប្រជុំហ្វ្រង់កូហ្វូនី ខ្ញុំនឹងត្រឡប់ទៅកាន់ប្រទេសបារាំងវិញ នឹងពាំនាំអ្វីដែលជាអត្តសញ្ញាណខ្មែរទៅប្រាប់ប្រជាជនបារាំង។

គួរបញ្ជាក់ដែរថា ព្រឹត្តិការណ៍អម ភូមិហ្រ្វង់កូហ្វូនី ធ្វើនៅសួនវត្តបទុម ចាប់ពីថ្ងៃទី១៣ រហូតដល់ថ្ងៃទី១៧ ខែវិច្ឆិកា ដែលមានការរៀបចំ៥តំបន់រួមមាន៖

១. តំបន់ពន្លាជាតិ

២. តំបន់សម្តែងសិល្បៈ វប្បធម៌ និងប្រគុំតន្ត្រី

៣. តំបន់ស្តង់ពិព័រណ៍

៤. តំបន់សន្និសីទ និងសិក្ខាសាលា

៥. តំបន់ភូមិម្ហូបអាហារ។តាមការរំពឹងទុកព្រឹត្តិការណ៍ភូមិហ្រ្វង់កូហ្វូនី នឹងអាទាក់ទាញអ្នកចូលទស្សនាប្រមាណប្រមាណជាង១០ម៉ឺននាក់៕ អត្ថបទ៖ ទូច សោភ័ណ