អនុប្រធានទី១ព្រឹទ្ធសភាកម្ពុជា ប្រាប់សភាតំបន់អឺរ៉ុបថា ភាគីថៃនៅតែបន្តរក្សាកងកម្លាំងយោធាលើទឹកដីកម្ពុជា រារាំងការបោះបង្គោលព្រំដែន និងបង្កឧបសគ្គដល់ពលរដ្ឋខ្មែរភៀសសឹកជាង ២ម៉ឺននាក់មិនឱ្យវិលត្រឡប់ទៅលំនៅឋានវិញ

2026/11/20 10:15:19 am        139

ព្រុចសែល, បែលហ្ស៊ិក៖ ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភាកម្ពុជា និងជាប្រធានក្រុមសភាជាតិកម្ពុជានៃសភាប្រើភាសាបារាំង (APF) បានថ្លែងបទអន្តរាគមន៍លាតត្រដាងនៅចំពោះមុខមហាសន្និបាតតំបន់អឺរ៉ុប លើកទី៣៨ នៃសភាប្រើភាសាបារាំង នៅទីក្រុងព្រុចសែល ប្រទេសបែលហ្ស៊ិក នាថ្ងៃទី២០ ខែវិច្ឆិកា ឆ្នាំ២០២៦ នេះថា ភាគីថៃនៅតែបន្តរក្សាកងកម្លាំងយោធានៅលើផ្នែកខ្លះនៃទឹកដីអធិបតេយ្យរបស់កម្ពុជា រារាំងការងារបោះបង្គោលព្រំដែន និងបង្កឧបសគ្គដល់ប្រជាពលរដ្ឋកម្ពុជាភៀសសឹកជាង ២០.០០០ នាក់ មិនឱ្យវិលត្រឡប់ទៅកាន់លំនៅឋានរបស់ខ្លួនវិញនៅឡើយទេ។

ថ្លែងក្រោមប្រធានបទ «តម្លៃអឺរ៉ុបជាខែលការពារ ក្នុងពិភពលោកកំពុងរងវិបត្តិ» ឯកឧត្តម អ៊ុច បូររិទ្ធ បានគូសបញ្ជាក់ជូនអង្គប្រជុំអំពីស្ថានភាពជាក់ស្តែងនៅតំបន់អាស៊ីអាគ្នេយ៍ ជាពិសេសវិវាទព្រំដែនកម្ពុជា-ថៃ ដែលស្ថានភាពនៅតែដដែលមិនទាន់មានការប្រែប្រួលល្អប្រសើរនៅឡើយ ចាប់តាំងពីសម័យប្រជុំលើកទី៥០ នៅទីក្រុងប៉ារីស រហូតដល់កិច្ចប្រជុំនៅទីក្រុងយ៉ាអ៊ុនដេ ប្រទេសកាមេរូន។

លោកអនុប្រធានទី១ ព្រឹទ្ធសភា បានលាតត្រដាងឱ្យដឹងថា កិច្ចព្រមព្រៀងជាបន្តបន្ទាប់ដែលមានគោលបំណងបញ្ចប់អរិភាព និងដោះស្រាយវិវាទដោយសន្តិវិធីរវាងកម្ពុជា និងថៃ ជាពិសេសកិច្ចព្រមព្រៀងបទឈប់បាញ់នៅទីក្រុងពូត្រាចាយ៉ា (Putrajaya) ខែកក្កដា ឆ្នាំ២០២៥ កិច្ចព្រមព្រៀងសន្តិភាពនៅទីក្រុងគូឡាឡាំពួ (Kuala Lumpur) ខែតុលា ឆ្នាំ២០២៥ និងសេចក្តីថ្លែងការណ៍រួមថ្ងៃទី២៧ ខែធ្នូ ឆ្នាំ២០២៥ នៅតែមិនទាន់ត្រូវបានអនុវត្តយ៉ាងពេញលេញនៅឡើយទេ។ ផ្ទុយទៅវិញ សកម្មភាពយោធា និងរដ្ឋបាលរបស់ភាគីថៃនៅតែបន្តកើតមាននៅលើទីតាំងជាក់ស្តែង តាមរយៈការបន្តរក្សាកងកម្លាំងយោធាលើទឹកដីអធិបតេយ្យរបស់កម្ពុជា ក៏ដូចជានៅក្នុងតំបន់វិវាទមួយចំនួន ការរារាំងដល់ការអនុវត្តការងាររួមគ្នាក្នុងការកំណត់ និងបោះបង្គោលព្រំដែន ព្រមទាំងការបង្កឧបសគ្គដល់ការវិលត្រឡប់ទៅកាន់លំនៅឋានរបស់ប្រជាពលរដ្ឋកម្ពុជាជាង ២០.០០០ នាក់ ដែលបានភៀសខ្លួនចេញពីលំនៅឋានរបស់ខ្លួន។ លោកបានបន្ថែមថា អង្គហេតុទាំងនេះក៏ត្រូវបានរាយការណ៍ និងចងក្រងជាឯកសារដោយប្រព័ន្ធផ្សព្វផ្សាយ និងអ្នកសង្កេតការណ៍អន្តរជាតិដែលស្នេហាសន្តិភាព និងយុត្តិធម៌ផងដែរ។

ជាមួយគ្នានេះ ឯកឧត្តម អ៊ុច បូររិទ្ធ អនុប្រធានទី១ ព្រឹទ្ធសភាកម្ពុជា និងជាប្រធានក្រុមសភាជាតិកម្ពុជានៃសភាប្រើភាសាបារាំង (APF) បានសម្តែងការសោកស្តាយដែលការពិតទាំងនេះបានក្លាយជាកម្មវត្ថុនៃការគំរាមកំហែងពីភាគីម្ខាងទៀត ដោយទាមទារមិនឱ្យកម្ពុជាលើកយកបញ្ហាទាំងនេះមកនិយាយនៅលើឆាកអន្តរជាតិ ក្រោមលេសថាជាបញ្ហាទ្វេភាគី។ ឆ្លើយតបទៅនឹងការគំរាមកំហែងនេះ លោកបានធ្វើការបញ្ជាក់យ៉ាងម៉ឺងម៉ាត់ចំនួន ៣ ចំណុច៖

ទី១. ការអនុវត្តសិទ្ធិអធិបតេយ្យ៖ ការជម្រាបជូនសហគមន៍អន្តរជាតិអំពីការវិវត្តនៃស្ថានភាពដែលប៉ះពាល់ដោយផ្ទាល់ដល់សន្តិភាព ស្ថិរភាពតំបន់ និងច្បាប់អន្តរជាតិ គឺជាការអនុវត្តសិទ្ធិអធិបតេយ្យរបស់កម្ពុជា មិនមែនជាការបង្កភាពតានតឹងឡើយ។

ទី២. ការកសាងទំនុកចិត្តពិតប្រាកដ៖ ទំនុកចិត្តត្រូវផ្អែកលើតម្លាភាព ការគោរពគ្នាទៅវិញទៅមក និងឆន្ទៈស្មោះត្រង់ក្នុងការអនុវត្តកិច្ចព្រមព្រៀងដែលបានឯកភាពគ្នា មិនមែនកើតឡើងតាមរយៈការប្រើប្រាស់វិធានការគំរាមកំហែងគៀបសង្កត់ រឹតត្បិតសេរីភាពនៃការបញ្ចេញមតិក្នុងវិស័យការទូតនោះទេ។

ទី៣. ផ្លូវដ៏សាមញ្ញឆ្ពោះទៅរកសន្តិភាព៖ ប្រសិនបើមានឆន្ទៈស្មោះត្រង់ក្នុងការស្វែងរកសន្តិភាពពិតប្រាកដ ភាគីម្ខាងទៀតគ្រាន់តែគោរពតាមអនុសញ្ញា សន្ធិសញ្ញា ផែនទីឧបសម្ព័ន្ធ សេចក្តីសម្រេចរបស់តុលាការយុត្តិធម៌អន្តរជាតិ (ICJ) និងកិច្ចព្រមព្រៀងទ្វេភាគី; ដកកងកម្លាំងយោធារបស់ខ្លួនចេញពីទឹកដីដែលបានកាន់កាប់ដោយខុសច្បាប់; អនុញ្ញាតឱ្យប្រជាពលរដ្ឋដែលត្រូវបានជម្លៀស វិលត្រឡប់ទៅកាន់លំនៅឋានវិញ; និងចាប់ផ្តើមកិច្ចប្រជុំគណៈកម្មការចម្រុះខណ្ឌសីមាព្រំដែន (JBC) ឡើងវិញជាបន្ទាន់។

ក្នុងឱកាសនោះដែរ ឯកឧត្តម អ៊ុច បូររិទ្ធ ក៏បានថ្លែងអំណរគុណយ៉ាងជ្រាលជ្រៅចំពោះសភាប្រើភាសាបារាំង (APF) ដែលបានអនុម័តសេចក្តីសម្រេចចិត្តគាំទ្រអធិបតេយ្យភាព និងបូរណភាពទឹកដីកម្ពុជា កាលពីខែកក្កដានៅទីក្រុងយ៉ាអ៊ុនដេ ព្រមទាំងបានរំឭកពីសេចក្តីសម្រេចចិត្តនៃកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ កាលពីថ្ងៃទី១៥-១៦ ខែវិច្ឆិកា ឆ្នាំ២០២៦ ដែលបានសម្តែងកង្វល់ចំពោះភាពតានតឹងនៅតាមព្រំដែនកម្ពុជា-ថៃ និងគាំទ្រការការពារជនស៊ីវិល ការធានាឱ្យជនភៀសខ្លួនវិលត្រឡប់ទៅលំនៅឋានវិញដោយសុវត្ថិភាព ព្រមទាំងការដោះស្រាយវិវាទដោយសន្តិវិធីស្របតាមច្បាប់អន្តរជាតិ៕

អត្ថបទដែលទាក់ទង

អ្នកនាំពាក្យ៖ កម្ពុជាមិនទទួលស្គាល់ជាដាច់ខាតការកែប្រែខ្សែព្រំដែនណាមួយកើតចេញពីការប្រើកម្លាំង
2026/11/20 11:07:14 am        1
កម្ពុជា-អឺរ៉ុប ដាក់ឱ្យអនុវត្តកម្មវិធីភាពជាដៃគូ លើកកម្ពស់ប្រសិទ្ធភាពថាមពលក្នុងវិស័យឧស្សាហកម្ម
2026/11/20 10:56:31 am        1
សមាគមនារីកម្ពុជាដើម្បីសន្តិភាព និងអភិវឌ្ឍន៍ក្រសួងអធិការកិច្ច ចុះអនុស្សារណៈជាមួយមន្ទីរពេទ្យអន្តរជាតិអរៀនដា ដើម្បីផ្តល់អត្ថប្រយោជន៍ និងសេវាថែទាំសុខភាពជូនមន្ត្រីរាជការនៃក្រសួង
2026/11/20 10:47:40 am        1

បណ្ដាញសង្គម

ព័ត៌មានចុងក្រោយ

​អ្នកនាំពាក្យ៖ កម្ពុជាមិនទទួលស្គាល់ជាដាច់ខាតការកែប្រែខ្សែព្រំដែនណាមួយកើតចេញពីការប្រើកម្លាំង

2026/11/20 11:07:14 am
​គ្រូ Port សរសើរព្រះខ័នរាជថា ខ្លាំងជាងក្រុមខ្លួន ខណៈលោក McConkey ទម្លាយ​ចំណុច​ពិសេស​ក្រោយឈ្នះ ៤-១
2026/11/20 11:00:48 am
​កម្ពុជា-អឺរ៉ុប ដាក់ឱ្យអនុវត្តកម្មវិធីភាពជាដៃគូ លើកកម្ពស់ប្រសិទ្ធភាពថាមពលក្នុងវិស័យឧស្សាហកម្ម
2026/11/20 10:56:31 am
​សមាគមនារីកម្ពុជាដើម្បីសន្តិភាព និងអភិវឌ្ឍន៍ក្រសួងអធិការកិច្ច ចុះអនុស្សារណៈជាមួយមន្ទីរពេទ្យអន្តរជាតិអរៀនដា ដើម្បីផ្តល់អត្ថប្រយោជន៍ និងសេវាថែទាំសុខភាពជូនមន្ត្រីរាជការនៃក្រសួង
2026/11/20 10:47:40 am
​កម្ពុជា ច្រានចោលការចោទប្រកាន់របស់ថៃចោទថា ប្រើប្រាស់កិច្ចប្រជុំហ្វ្រង់កូហ្វូនី បង្ខូចកេរ្តិ៍ឈ្មោះថៃ
2026/11/20 10:20:47 am

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2026/11/20 03:31:16 am
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2026/10/04 02:54:00 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2026/11/19 04:44:43 pm
​សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស
2026/11/20 09:48:09 am
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2026/11/19 04:59:48 am

ព័ត៌មានវីដេអូ

​ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

2026/01/23 04:36:39 am
រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី
2024/09/02 04:13:57 pm
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 09:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/13 02:57:12 am
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 03:38:02 pm