ស្វាយរៀង៖ គោលនយោបាយគណបក្សប្រជាជនកម្ពុជា ស្តីពីការងារអភិវឌ្ឍន៍មូលដ្ឋានឃុំ/សង្កាត់អាណត្តិទី៥  ត្រូវបានបេក្ខជនក្រុមប្រឹក្សាឃុំស្វាយយា ស្រុកស្វាយជ្រំ ខេត្តស្វាយរៀង នាំចុះយកទៅធ្វើការផ្សព្វផ្សាយជូនពលរដ្ឋនៅតាមមូលដ្ឋាន រួមនិងការបង្ហាត់បង្ហាញពីរបៀបគូរសន្លឹកឆ្នោត ជូនគណបក្សប្រជាជនកម្ពុជាផងដែរ។

បេក្ខជនក្រុមប្រឹក្សាឃុំស្វាយ យា ស្រុកស្វាយជ្រំ ខេត្តស្វាយរៀង ដឹកនាំដោយលោក សុខ សំអន បេក្ខជនទី១ក្រុមប្រឹក្សាឃុំ នៅថ្ងៃទី២៥ ខែឧសភា ឆ្នាំ២០២២នេះ បានចុះធ្វើការផ្សព្វផ្សាយគោលនយោបាយអភិវឌ្ឍមូលដ្ឋាន រយៈពេល៥ឆ្នាំ អាណត្តិទី៥ រួមនឹង ការបង្ហាត់បង្ហាញ ពលរដ្ឋពីរបៀបគូសសន្លឺកឆ្នោត ដើម្បីត្រៀមឆ្ពោះទៅកាន់ការបោះឆ្នោត និងបោះឆ្នោតជូនគណបក្សប្រជាជនកម្ពុជានៅថ្ងៃទី៥ ខែមិថុនាឆ្នាំ២០២២ ខាងមុខនេះ។

 ឆ្លៀតពេលផ្សព្វផ្សាយគោលនយោបាយអភិវឌ្ឍន៏របស់គណបក្សនៅតាមខ្នងផ្ទះ លោក សុខ សំអន បេក្ខជនលេខរៀងទី ១ ក្រុមប្រឹក្សាឃុំស្វាយយា បានអំពាវនាវដល់ពលរដ្ឋ សមាជិកគណបក្ស និងអ្នកគាំទ្រគណបក្សប្រជាជនកម្ពុជាទាំងអស់ ត្រូវត្រៀមគ្រប់មធ្យោបាយ ដើម្បីឆ្ពោះទៅកាន់ការបោះឆ្នោតនិងឆ្នោត ផ្ដល់ឱកាសជូនគណបក្សប្រជាជនកម្ពុជាបន្តដឹកនាំ និងអភិវឌ្ឍមូលដ្ឋានឲ្យបានគ្រប់ៗគ្នា ដូចកាលពីអាណិត្តិទី៤កន្លងមកផងដែរ។

ទាក់ទងទៅនឹងការដឹកនាំរបស់គណបក្សប្រជាជនកម្ពុជាពិសេស សម្ដេចអគ្គមហាសេនាបតីតេជោហ៊ុនសែនប្រធានគណបក្ស ដែលធ្វើឲ្យប្រទេសមានសន្តិភាពនិងការអភិវឌ្ឍ ពលរដ្ឋនិងអ្នកគាំទ្រគណបក្សប្រជាជនកម្ពុជាបានសំដែងស្វាគមន៍យ៉ាងដូច្នេះថា។  

សូមបញ្ជាក់ថានៅក្នុងយុទ្ធនាការឃោសនាបោះឆ្នោតក្រុមប្រឹក្សាឃុំសង្កាត់ នៅស្វាយរៀងចាប់ពីថ្ងៃទី២១ រហូតមកដល់ថ្ងៃទី២៥ ខែឧសភាឆ្នាំ២០២២ នេះនៅទូទាំងខេត្ត ទទួលបានសន្តិសុខ និងស្ថេរភាពល្អប្រសើរ ដោយគណបក្សនយោបាយនីមួយៗ បានគោរពតាមការណែនាំរបស់ គណៈកម្មការរៀបចំការបោះឆ្នោតខេត្ត រួមនិង ការចូលរួមការពារសន្តិសុខពីគណៈបញ្ជាការឯកភាពខេត្តផងដែរ ។